ಶುದ್ಧಗತಿವಿಜ್ಞಾನ

ಶುದ್ಧಗತಿವಿಜ್ಞಾನವು ಚಲನೆಗೆ ಕಾರಣವಾಗುವ ಬಲಗಳನ್ನು ಪರಿಗಣಿಸದೆ ವಸ್ತುಗಳ ಚಲನೆಗಳನ್ನು ಪರಿಶೀಲಿಸುವ ಬಲವಿಜ್ಞಾನದ (dynamics) ಅಂಗ (ಕೈನ್‌ಮೆಟಿಕ್ಸ್). ಗತಿವಿಜ್ಞಾನ (ಡೈನಮಿಕ್ಸ್) ಹೀಗಲ್ಲ: ಚಲನಕಾರಕ ಬಲಗಳನ್ನೂ ಇದು ಪರಿಶೀಲಿಸುತ್ತದೆ. ಏಕರೀತಿ ವೇಗೋತ್ಕರ್ಷಸಹಿತ (ಆ್ಯಕ್ಸೆಲರೇಶನ್) ರೇಖೀಯವಾಗಿ (ಲೀನಿಯರ್ಲಿ) ಚಲಿಸುವ ವಸ್ತುಗಳಿಗೆ ಅನ್ವಯವಾಗುವ ಈ ಮುಂದಿನ ನಾಲ್ಕು ಸಮೀಕರಣವೊಂದೊಂದಕ್ಕೂ ಶುದ್ಧಗತಿವೈಜ್ಞಾನಿಕ ಸಮೀಕರಣವೆಂದು ಹೆಸರು.

೧. v = u + at

೨. $\mathrm{\Delta }x=\left(\frac{v+u}{2}\right)t$

೩. $\mathrm{\Delta }x=ut+\frac{1}{2}a{t}^2$

೪. $v^2=u^2+2a\mathrm{\Delta }x$

ಇಲ್ಲಿ u = ವಸ್ತುವಿನ ಪ್ರಾರಂಭಿಕ ವೇಗ, v = ಅಂತಿಮ ವೇಗ, a = ವೇಗೋತ್ಕರ್ಷ, t = ಚಲನಾವಧಿ, △x = ಪಲ್ಲಟನ ಪ್ರಮಾಣ