ರಕ್ತದೊತ್ತಡ ಇಗೆ ಮೂಲವನ್ನು ವಿಕ್ಷಿಸಿ

[[ಚಿತ್ರ:Blutdruck.jpg|thumb|ನಾಡಿಯೊತ್ತಡ ಮಾಪಿಯು ಅಪಧಮನಿಯ ಒತ್ತಡವನ್ನು ಅಳೆಯುವ ಉಪಕರಣ]]
'''ರಕ್ತದೊತ್ತಡ''' (BP) ಎಂದರೆ ರಕ್ತದ ಪರಿಚಲನೆಯಾಗುವಾಗ [[ಧಮನಿ|ರಕ್ತನಾಳಗಳ]] ಗೋಡೆಗಳ ಮೇಲೆ ಆಗುವ [[ಒತ್ತಡ]] ([[ರಕ್ತ]] ಹರಿಯುವ [[ವೇಗ]]). ಇದು ಜೈವಿಕ ಕ್ರಿಯೆಯ ಪ್ರಧಾನ ಗುಣವೂ ಹೌದು. [[ಅಪಧಮನಿ|ಅಪಧಮನಿಗಳು]] ಮತ್ತು ಲೋಮನಾಳಗಳ ಮೂಲಕ [[ಹೃದಯ|ಹೃದಯದಿಂದ]] ದೇಹದ ಇತರ ಭಾಗಗಳಿಗೆ ಮತ್ತು [[ಅಭಿಧಮನಿ]]ಗಳ ಮೂಲಕ ಹೃದಯದ ಕಡೆಗೆ ರಕ್ತ ಹರಿಯುವಾಗ ರಕ್ತ ಪರಿಚಲನೆಯ ಒತ್ತಡ ಕಡಿಮೆಯಾಗುತ್ತಾ ಬರುತ್ತದೆ. ''ರಕ್ತದೊತ್ತಡ''  ಎಂಬ ಪದಕ್ಕೆ ಸಾಮಾನ್ಯನಾಗಿ '''ತೋಳಿನ ಅಪಧಮನಿಯ ಒತ್ತಡ '''ಎಂಬರ್ಥವೂ ಇದೆ; ಇದು [[ಹೃದಯ]]ದಿಂದ [[ಮಾನವ ಶರೀರ|ದೇಹದ]] ಇತರ ಭಾಗಗಳಿಗೆ ರಕ್ತವನ್ನು ಸಾಗಿಸುವ ಎಡ [[ತೋಳು|ತೋಳಿನ]] ಮೇಲ್ಭಾಗ ಅಥವಾ ಬಲ ಭಾಗದಲ್ಲಿರುವ ಪ್ರಮುಖ ರಕ್ತನಾಳ. ಕೆಲವೊಮ್ಮೆ ರಕ್ತದೊತ್ತಡವನ್ನು ದೇಹದ ಇತರ ಭಾಗಗಳಿಂದ ಅಳೆಯುತ್ತಾರೆ, ಉದಾಹರಣೆಗೆ [[ಕಾಲು|ಕಾಲಿನ]] [[ಹಿಮ್ಮಡಿ|ಹಿಮ್ಮಡಿಯ]] ಗಂಟು. ತೋಳಿನ ರಕ್ತದೊತ್ತಡದ ಜೊತೆ ಹಿಮ್ಮಡಿಯ ಗಂಟಿನ ಮುಖ್ಯ ಅಪಧಮನಿಯ ರಕ್ತದೊತ್ತಡದ ಮಾಪನದ ಅನುಪಾತ ಹಿಮ್ಮಡಿ ತೋಳಿನ ಒತ್ತಡ ಸೂಚಕ (ABPI) ವಾಗಿದೆ.

== '''ಮಾಪನ''' ==
[[ಚಿತ್ರ:MMSA Checking Blood Pressure.JPG|thumb|ವೈದ್ಯಕೀಯ ವಿದ್ಯಾರ್ಥಿಯೊಬ್ಬನು ನಾಡಿಯೊತ್ತಡ ಮಾಪಿ ಮತ್ತು ಎದೆದರ್ಶಕವನ್ನು ಬಳಸಿ ರಕ್ತದೊತ್ತಡ ತಪಾಸಣೆ ಮಾಡುತ್ತಿದ್ದಾನೆ.]]
ಅಪಧಮನಿಯ ಒತ್ತಡವನ್ನು ಸರ್ವೇ ಸಾಮಾನ್ಯವಾಗಿ ನಾಡಿಯೊತ್ತಡ ಮಾಪಿಯಿಂದ ಅಳೆಯುತ್ತಾರೆ, [[ಪಾದರಸ|ಪಾದರಸವನ್ನು]] ಹೊಂದಿರುವ ಸ್ತಂಭಾಕಾರದ ಈ ಉಪಕರಣವು ರಕ್ತ ಪರಿಚಲನೆಯ ಒತ್ತಡವನ್ನು ಪ್ರತಿಬಿಂಬಿಸಲು ಐತಿಹಾಸಿಕ ಕಾಲದಿಂದಲೂ ಬಳಕೆಯಲ್ಲಿತ್ತು. ಪ್ರಸ್ತುತ ನಿರ್ದ್ರವ ಮತ್ತು ಇಲೆಕ್ಟ್ರಾನಿಕ್ ಉಪಕರಣಗಳು ಪಾದರಸವನ್ನು ಬಳಸದೇ ಇದ್ದರೂ, ರಕ್ತದೊತ್ತಡದ ಮೌಲ್ಯಗಳನ್ನು ಪಾದರಸದ ಮಿಲಿಮೀಟರ್‌ (mmHg) ಗಳಲ್ಲೇ ಹೇಳಲಾಗುತ್ತದೆ.

ಪ್ರತಿಬಾರಿ ಹೃದಯ ಬಡಿಯುವಾಗ, ಸಂಕೋಚನದ ಮತ್ತು ವ್ಯಾಕೋಚನದ ಒತ್ತಡಗಳ ನಡುವೆ ರಕ್ತದೊತ್ತಡ ವ್ಯತ್ಯಾಸವಾಗುತ್ತದೆ. ಸಂಕೋಚನದ ಒತ್ತಡವೆಂದರೆ ಅಪಧಮನಿಗಳಲ್ಲಿ ಕಾಣಿಸಿಕೊಳ್ಳುವ ಗರಿಷ್ಠ ಒತ್ತಡ, [[:en:Ventricle_(heart)|ಹೃತ್ಕುಹರಗಳು]] ಕುಗ್ಗಿಕೊಂಡು [[ಹೃದಯದ ಆವರ್ತನ|ಹೃದಯದ ಆವರ್ತನದ]] ಕೊನೆಯ ಹಂತದಲ್ಲಿ ಇದು ಸಂಭವಿಸುತ್ತದೆ. ವ್ಯಾಕೋಚನದ ಒತ್ತಡವೆಂದರೆ ಅಪಧಮನಿಗಳಲ್ಲಿ ಕಾಣಿಸಿಕೊಳ್ಳುವ ಕನಿಷ್ಠ ಒತ್ತಡ. ಹೃತ್ಕುಹರಗಳಲ್ಲಿ ರಕ್ತ ತುಂಬಿಕೊಂಡು ಹೃದಯ ಆವರ್ತನದ ಪ್ರಕ್ರಿಯೆ ಆರಂಭವಾದಾಗ ಇದು ಸಂಭವಿಸುತ್ತದೆ. [[ನಿದ್ರೆ|ನಿದ್ರಾ]] ಸ್ಥಿತಿಯಲ್ಲಿ ರಕ್ತದೊತ್ತಡದ ಸಾಮಾನ್ಯ ಪ್ರಮಾಣ ಎಷ್ಟಿರಬೇಕೆಂಬುದಕ್ಕೆ ಒಂದು ಉದಾಹರಣೆಯೆಂದರೆ, ಆರೋಗ್ಯಪೂರ್ಣ ವಯಸ್ಕ ವ್ಯಕ್ತಿಯ ಸಂಕೋಚನ 115 mmHg ಇರಬೇಕು ಮತ್ತು 75 mmHg ವ್ಯಾಕೋಚನವಿರಬೇಕು. (115/75 mmHg ಎಂದು ಬರೆಯಲಾಗುತ್ತದೆ, ಮತ್ತು "ವನ್ ಫಿಫ್ಟೀನ್ ಓವರ್ ಸೆವೆಂಟಿ-ಫೈವ್" ಎಂದು [[ಅಮೇರಿಕ ಸಂಯುಕ್ತ ಸಂಸ್ಥಾನ|ಅಮೇರಿಕದಲ್ಲಿ]] ಹೇಳಲಾಗುತ್ತದೆ) ಸಂಕೋಚನ ಮತ್ತು ವ್ಯಾಕೋಚನ ಒತ್ತಡಗಳ ನಡುವಣ ವ್ಯತ್ಯಾಸವನ್ನು ನಾಡಿ ಒತ್ತಡವೆನ್ನುತ್ತಾರೆ.

ಅಪಧಮನಿಯ ಸಂಕೋಚನದ ಮತ್ತು ವ್ಯಾಕೋಚನದ ರಕ್ತದೊತ್ತಡಗಳು ಸ್ಥಿರವಲ್ಲ, ಆದರೆ ಒಂದು ಹೃದಯ ಬಡಿತದಿಂದ ಇನ್ನೊಂದಕ್ಕೆ ಅದು ಸ್ವಾಭಾವಿಕವಾಗಿ ಬದಲಾಗುತ್ತವೆ ಮತ್ತು ದಿನದುದ್ದಕ್ಕೂ ಇರುತ್ತದೆ (ಮರುಕಳಿಸುವ ಲಯಗಳಲ್ಲಿ). ಒತ್ತಡ, ಪೌಷ್ಟಿಕಾಂಶಗಳು, [[ಔಷಧ|ಔಷಧಿಗಳು]], [[ರೋಗ]], [[ವ್ಯಾಯಾಮ]], ಮತ್ತು ನಿಂತುಕೊಳ್ಳುವುದರಿಂದ ಕ್ಷಣಿಕವಾಗಿ ಅವು ಬದಲಾಗುತ್ತವೆ. ಕೆಲವು ಸಂದರ್ಭಗಳಲ್ಲಿ ಬದಲಾವಣೆಗಳು ದೊಡ್ಡ ಪ್ರಮಾಣದಲ್ಲಿರಬಹುದು. ಅಪಧಮನಿಯ ಒತ್ತಡವು ಹೆಚ್ಚಾಗಿ ಅತಿರೇಕದ ಸ್ಥಿತಿಗೆ ತಲುಪುವುದನ್ನು ಅಧಿಕ ರಕ್ತದೊತ್ತಡವೆನ್ನುತ್ತಾರೆ, ಅಂತೆಯೇ ಅಪಧಮನಿಯ ಒತ್ತಡ ಕನಿಷ್ಠ ಹಂತಕ್ಕೆ ತಲುಪಿದಾಗ ಅದನ್ನು ತೀರಾ ಕಡಿಮೆ ರಕ್ತದೊತ್ತಡವೆನ್ನುತ್ತಾರೆ. ದೇಹದ [[ಉಷ್ಣತೆ]] ಮತ್ತು [[ನಾಡಿ|ನಾಡಿ ಪ್ರಮಾಣ]]ದ ಜೊತೆಗೆ, ಸಾಮಾನ್ಯವಾಗಿ ರಕ್ತದೊತ್ತಡದ ಮಾಪನಗಳನ್ನು ಮಾನಸಿಕ ಮಾನದಂಡಗಳ ಮೇಲೆ ನಡೆಸುತ್ತಾರೆ.

ಅಪಧಮನಿಯ ಒತ್ತಡಗಳನ್ನು ಛೇದನ ಮಾಡಿ (ಸೂಕ್ಷ್ಮಗ್ರಾಹಿ [[ಚರ್ಮ|ಚರ್ಮಕ್ಕೆ]] [[ಸೂಜಿ|ಸೂಜಿಯನ್ನು]] ಚುಚ್ಚಿ ಆ ಮೂಲಕ ರಕ್ತನಾಳಗಳನ್ನು ತಲುಪಿ ಅಳೆಯುವುದು) ಅಥವಾ ಇದಕ್ಕೆ ಹೊರತಾಗಿ ಅಳೆಯಲು ಸಾಧ್ಯವಿದೆ. ಮೊದಲಿನ ವಿಧಾನ [[ಆಸ್ಪತ್ರೆ|ಆಸ್ಪತ್ರೆಗಳಿಗೆ]] ಸೀಮಿತವಾಗಿದೆ.

=== ಏಕಮಾನಗಳು ===
ರಕ್ತದೊತ್ತಡ ಮಾಪನೆಗೆ ಗುಣಮಟ್ಟದ ಏಕಮಾನವೆಂದರೆ mmHg (ಪಾದರಸದ ಮಿಲಿಮೀಟರ್). ಉದಾಹರಣೆಗೆ, ಸಾಮಾನ್ಯ ಒತ್ತಡ 80 ರಿಂದ 120 ಎಂದು ಹೇಳಬಹುದು, ಅಲ್ಲಿ 120 ಸಂಕೋಚನ ಮಾಪನವಾಗಿದ್ದರೆ, 80 ವ್ಯಾಕೋಚನದ ಮಾಪನ.

=== ಛೇದನ ಬೇಕಾಗದ ಮಾಪನ ===
ಛೇದನ ಬೇಕಾಗದ ಶ್ರಾವಕ ಮತ್ತು ಆಂದೋಲನಮಾಪಿ (ರಕ್ತದೊತ್ತಡ ಅಳೆಯುವ ಉಪಕರಣ) ಮಾಪನಗಳು ಛೇದನ ಬೇಕಿರುವ ಉಪಕರಣಗಳಿಗಿಂತ ಸರಳ ಹಾಗೂ ಕ್ಷಿಪ್ರವಾಗಿದೆ. ಇವುಗಳನ್ನು ಸರಿಹೊಂದಿಸಲು ವಿಶೇಷ ಪರಿಣತರ ಅಗತ್ಯವಿಲ್ಲ. ವಾಸ್ತವಿಕವಾಗಿ ಯಾವುದೇ ತೊಡಕುಗಳೂ ಇಲ್ಲ, ಮತ್ತು [[ರೋಗಿ|ರೋಗಿಗೂ]] [[ನೋವು|ನೋವಾಗದು]] ಅಲ್ಲದೆ ಅಹಿತಕರ ಎನಿಸದು. ಆದಾಗ್ಯೂ, ಛೇದನ ಬೇಕಿರದ ಈ ಮಾಪನಗಳಿಂದ ಕೆಲವೊಮ್ಮೆ ನಿಖರ ಫಲಿತಾಂಶಗಳು ಸಿಗುವ ಸಾಧ್ಯತೆಗಳು ಕಡಿಮೆ ಮತ್ತು ಅಂಕಿಗಳಲ್ಲಿ ಸಣ್ಣ ಪ್ರಮಾಣದ ವ್ಯವಸ್ಥಿತ ವ್ಯತ್ಯಾಸಗಳಾಗಬಹುದು. ಛೇದನ ಬೇಕಿರದ ಮಾಪನ ವಿಧಾನಗಳನ್ನು ಸಾಮಾನ್ಯವಾಗಿ ನಿತ್ಯದ ತಪಾಸಣೆ ಮತ್ತು ಪರೀಕ್ಷೆಗಳಲ್ಲಿ ಬಳಸಲಾಗುತ್ತದೆ.

==== ಸ್ಪರ್ಶ ಪರೀಕ್ಷೆಯ ವಿಧಾನಗಳು ====
ಯಾವುದೇ ಉಪಕರಣಗಳ ಸಹಾಯವಿಲ್ಲದೆ ಸ್ಪರ್ಶ ಪರೀಕ್ಷೆಯ ಮೂಲಕ ಸಂಕೋಚನದ ಕನಿಷ್ಠ ಮೌಲ್ಯಗಳನ್ನು ಸ್ಥೂಲವಾಗಿ ಅಂದಾಜು ಮಾಡಬಹುದು. ತುರ್ತು ಸಂದರ್ಭಗಳಲ್ಲಿ ಹೆಚ್ಚಾಗಿ ಈ ವಿಧಾನವನ್ನು ಬಳಸಲಾಗುತ್ತದೆ. ಪ್ರಧಾನ‌ ನಾಡಿಯ ಸ್ಪರ್ಶ ಪರೀಕ್ಷೆ ಕನಿಷ್ಠ 80 mmHg ರಕ್ತದೊತ್ತಡವನ್ನು ಸೂಚಿಸುತ್ತದೆ. [[ತೊಡೆ]]ಯೆಲುಬಿಗೆ ಸಂಬಂಧಿಸಿದ ನಾಡಿ ಕನಿಷ್ಠ ಪಕ್ಷ 70 mmHg ಸೂಚಿಸುತ್ತದೆ, ಮತ್ತು ಶೀರ್ಷಧಮನಿಯ ನಾಡಿ ಕನಿಷ್ಠ 60 mmHg ಸೂಚಿಸುತ್ತದೆ. ಆದಾಗ್ಯೂ, ಈ ವಿಧಾನ ಸಾಕಷ್ಟು ನಿಖರವಾಗಿಲ್ಲ ಮತ್ತು ಅನೇಕ ಬಾರಿ ರೋಗಿಗಳ ಸಂಕೋಚನದ ರಕ್ತದೊತ್ತಡವನ್ನು ಅತಿಯಾಗಿ ಅಂದಾಜು ಮಾಡುತ್ತದೆ ಎಂದು ಅಧ್ಯಯನವೊಂದು ಹೇಳಿದೆ.<ref>{{cite journal |author=Deakin CD, Low JL |title=Accuracy of the advanced trauma life support guidelines for predicting systolic blood pressure using carotid, femoral, and radial pulses: observational study |journal=BMJ |volume=321 |issue=7262 |pages=673–4 |year=2000 |month=September |pmid=10987771 |pmc=27481 |doi= 10.1136/bmj.321.7262.673|url=http://bmj.com/cgi/pmidlookup?view=long&pmid=10987771}}</ref> ನಾಡಿಯೊತ್ತಡ ಮಾಪಿಯನ್ನು ಬಳಸಿ ಮತ್ತು ಪ್ರಧಾನ ನಾಡಿಯನ್ನು ಕೈ ಮುಟ್ಟಿ ಪರೀಕ್ಷಿಸಿದಾಗ ಸಂಕೋಚನದ ರಕ್ತದೊತ್ತಡದ ಮೌಲ್ಯಗಳನ್ನು ಹೆಚ್ಚು ನಿಖರವಾಗಿ ಪಡೆಯಬಹುದು.<ref>[http://bcs.medinfo.ufl.edu/sample/page06.html Interpretation - Blood Pressure - Vitals] {{Webarchive|url=https://archive.is/20120702213656/http://bcs.medinfo.ufl.edu/sample/page06.html |date=2012-07-02 }}, "[[University of Florida]]"{{accessdate|2008-03-18}}</ref> ವ್ಯಾಕೋಚನದ ರಕ್ತದೊತ್ತಡವನ್ನು ಈ ವಿಧಾನದಿಂದ ಅಂದಾಜು ಮಾಡಲು ಸಾಧ್ಯವಿಲ್ಲ.<ref>[http://www.gov.mb.ca/health/ems/guidelines/G8.pdf G8 Secondary Survey] {{Webarchive|url=https://web.archive.org/web/20080625212218/http://www.gov.mb.ca/health/ems/guidelines/G8.pdf |date=2008-06-25 }}, "Manitoba"{{accessdate|2008-03-18}}</ref>

==== ಶ್ರಾವಕ ವಿಧಾನಗಳು ====
[[ಚಿತ್ರ:Sphygmomanometer.jpg|thumb|ಎದೆದರ್ಶಕದ ಜೊತೆಗೆ ಶ್ರಾವಕ ವಿಧಾನದ ನಿರ್ದ್ರವ ನಾಡಿಯೊತ್ತಡ ಮಾಪಿ]]
[[ಚಿತ್ರ:Mercury manometer.jpg|thumb|ಪಾದರಸ ಮಾನಾಮೀಟರ್ ಅಥವಾ ಒತ್ತಡ ಮಾಪಕ]]
''ಶ್ರಾವಕ '' ವಿಧಾನ ಎದೆದರ್ಶಕ ಮತ್ತು ನಾಡಿಯೊತ್ತಡ ಮಾಪಿಯನ್ನು ಬಳಸುತ್ತದೆ. ಊದಿ ಉಬ್ಬಿಸಬಹುದಾದ [[ರಬ್ಬರು|ರಬ್ಬರಿನ]] ವಸ್ತು (''ರಿವಾ-ರಾಕ್ಕಿ''), ಎದೆಯ ಎತ್ತರಕ್ಕೆ ಸಮಾನಾಗಿ [[ತೋಳು|ತೋಳಿನ ಮೇಲ್ಭಾಗ]]ಕ್ಕೆ ಕಟ್ಟಿರುವ ಪಟ್ಟಿ, ಮತ್ತು ಪಾದರಸದ ಅಥವಾ ನಿರ್ದ್ರವ ‌ಒತ್ತಡಮಾಪಕವನ್ನು ಇದು ಹೊಂದಿರುತ್ತದೆ. ಪಾದರಸದ ಒತ್ತಡಮಾಪಕವು ಸ್ತಂಭಾಕಾರದ ನಳಿಕೆಯಲ್ಲಿರುವ ಪಾದರಸದ ಎತ್ತರವನ್ನು ಅಳೆದು ಪರಿಪೂರ್ಣ ಫಲಿತಾಂಶ ನೀಡುವುದು. ಅಲ್ಲಿ ಮಾಪನಾಂಕದ ಅಗತ್ಯ ಬರದು. ಇದರಲ್ಲಿ ತಪ್ಪುಗಳಾಗುವ ಸಾಧ್ಯತೆಗಳು ಕಡಿಮೆ ಮತ್ತು ಮಾಪನಾಂಕದ ದಿಕ್ಕು ತಪ್ಪುವುದರಿಂದ ಇತರ ವಿಧಾನಗಳ ಮೇಲೆ ಪರಿಣಾಮ ಬೀರುವ ಸಾಧ್ಯತೆಗಳುಂಟು. ಪ್ರಾಯೋಗಿಕ ಪರೀಕ್ಷೆಗಳು ಮತ್ತು [[ಗರ್ಭಾವಸ್ಥೆ|ಗರ್ಭಿಣಿ ಮಹಿಳೆ]]ಯಂತಹ ಹೆಚ್ಚು ಅಪಾಯಕಾರಿ ಸನ್ನಿವೇಶಗಳಲ್ಲಿ ಅಧಿಕ ರಕ್ತದೊತ್ತಡವನ್ನು ಪ್ರಾಯೋಗಿಕವಾಗಿ ಅಳೆಯಲು ಪಾದರಸದ ಒತ್ತಡಮಾಪಕಗಳ ಬಳಕೆ ಹೆಚ್ಚು ಅಗತ್ಯವಿರುತ್ತದೆ.

ಸೂಕ್ತ ಗಾತ್ರದ ಪಟ್ಟಿಯನ್ನು ತೋಳಿನ ಮೇಲ್ಭಾಗಕ್ಕೆ ಸಲೀಸಾಗಿ ಮತ್ತು ಹಿತವಾಗಿ ಕಟ್ಟಿ, ರಬ್ಬರಿನ ಬಲ್ಬ್ ಅನ್ನು ಹಿಸುಕಿ ಪಟ್ಟಿಯನ್ನು ಉಬ್ಬಿಸಬೇಕು. ಅಪಧಮನಿಗಳು ಮುಚ್ಚುವವರೆಗೂ ಈ ಪ್ರಕ್ರಿಯೆ ಮುಂದುವರಿಯುತ್ತದೆ. ವೈದ್ಯನು [[ಮೊಣಕೈ]]ಯ ಮೇಲ್ಭಾಗದಲ್ಲಿ ಎದೆದರ್ಶಕವನ್ನು ಇಟ್ಟು ತೋಳಿನ ಅಪಧಮನಿಯ ಬಡಿತವನ್ನು ಆಲಿಸುವುದರ ಜೊತೆ ಜೊತೆಗೆಯೇ, ತೋಳಿಗೆ ಕಟ್ಟಿರುವ ಪಟ್ಟಿಯ ಮೇಲಿನ ಒತ್ತಡವನ್ನು ನಿಧಾನವಾಗಿ ಬಿಡುಗಡೆ ಮಾಡುತ್ತಾ ಹೋಗುತ್ತಾನೆ. ಅಪಧಮನಿಗೆ ರಕ್ತ ಹರಿಯಲು ಆರಂಭವಾಗುತ್ತಿದ್ದಂತೆಯೇ, ಕ್ರಮರಹಿತ ಹರಿವು ಸರ ಸರ ಅಥವಾ 'ವುಷ್' ಎಂಬ ಶಬ್ದವನ್ನು ಹೊರಡಿಸುತ್ತದೆ (ಮೊದಲ ಕೊರೊತ್ಕೋಫ್‌ ಶಬ್ದ). ಮೊದಲು ಕೇಳಿದ ಶಬ್ದ ಹೊರಡುವ ಸ್ಥಳದ ಒತ್ತಡವನ್ನು ಸಂಕೋಚನದ ಒತ್ತಡವೆನ್ನುತ್ತಾರೆ. ವ್ಯಾಕೋಚನದ ಅಪಧಮನಿಯ ಒತ್ತಡ ಅಳೆಯುವ ಸಂದರ್ಭದಲ್ಲಿ [[ಶಬ್ದ]] ನಿಲ್ಲುವವರೆಗೂ (ಐದನೆಯ ಕೊರೊತ್ಕೋಫ್ ಶಬ್ದ) ಪಟ್ಟಿ ಮೇಲಿನ ಒತ್ತಡವನ್ನು ಬಿಡುಗಡೆ ಮಾಡುತ್ತಾ ಹೋಗಲಾಗುತ್ತದೆ. ಕೆಲವೊಮ್ಮೆ, ಎದೆದರ್ಶಕವನ್ನು ಉಪಯೋಗಿಸುವ ಮೊದಲು ಸ್ಪರ್ಶ ಪರೀಕ್ಷೆ (ಕೈಮುಟ್ಟಿ) ಮೂಲಕವೂ ಒತ್ತಡದ ಅಂದಾಜು ಮಾಡಲಾಗುತ್ತದೆ.

==== ಆಂದೋಲನಮಾಪಿ ವಿಧಾನಗಳು ====
''ಆಂದೋಲನಮಾಪಿ ''ವಿಧಾನಗಳನ್ನು ಕೆಲವೊಮ್ಮೆ ದೀರ್ಘ-ಕಾಲದ ಮಾಪನಗಳಲ್ಲಿ ಮತ್ತು ಸಾಮಾನ್ಯ [[ಚಿಕಿತ್ಸೆ|ಚಿಕಿತ್ಸೆಗಳಲ್ಲಿ]] ಬಳಸಲಾಗುತ್ತದೆ. ಈ ಉಪಕರಣದ ಕಾರ್ಯನಿರ್ವಹಣೆ ಶ್ರಾವಕ ವಿಧಾನದಂತೆಯೇ ಇದೆ, ಆದರೆ ಇಲ್ಲಿ ರಕ್ತದ ಹರಿವನ್ನು ಪತ್ತೆ ಮಾಡಲು ಎದೆದರ್ಶಕ ಮತ್ತು ತಜ್ಞರ [[ಕಿವಿ|ಕಿವಿಗಳ]] ಬದಲಿಗೆ ಇಲೆಕ್ಟ್ರಾನಿಕ್ ಒತ್ತಡ ಸಂವೇದಕ (ಸಂಜ್ಞಾಪರಿವರ್ತಕ) ಗಳನ್ನು ಅಳವಡಿಸಲಾಗಿರುತ್ತದೆ. ಬಳಕೆಯಲ್ಲಿರುವಂತೆ, ರಕ್ತದೊತ್ತಡವನ್ನು ಅಂಕಿಗಳಿಂದ ವಿವರಿಸುವ ಮಾಪನಾಂಕ ವಿದ್ಯುನ್ಮಾನ ಉಪಕರಣವನ್ನು ಒತ್ತಡ ಸಂವೇದಕವೆನ್ನುತ್ತಾರೆ. ನಿಖರತೆಯನ್ನು ಉಳಿಸಿಕೊಳ್ಳುವುದಕ್ಕಾಗಿ, ಮಾಪನಾಂಕಗಳನ್ನು ನಿಯತಕಾಲಿಕವಾಗಿ ಪರಿಶೀಲಿಸುತ್ತಿರಬೇಕು. ಪಾದರಸದ ಒತ್ತಡಮಾಪಕದ ಮೂಲಸ್ವರೂಪಕ್ಕೆ ನಿಷ್ಠವಾಗಿ ಅಲ್ಲ. ಬಹುತೇಕ ಪ್ರಕರಣಗಳಲ್ಲಿ, ವಿದ್ಯುತ್ ಪಂಪ್ ಮತ್ತು ಕವಾಟ ಬಳಸಿ ಪಟ್ಟಿಯನ್ನು ಉಬ್ಬಿಸಲಾಗುತ್ತದೆ ಮತ್ತು ಒತ್ತಡವನ್ನು ಬಿಡುಗಡೆ ಮಾಡಲಾಗುತ್ತದೆ. ಪಟ್ಟಿಯನ್ನು ಸಾಮಾನ್ಯವಾಗಿ ತೋಳಿನ ಮೇಲ್ಭಾಗಕ್ಕೇ ಕಟ್ಟುವುದು ರೂಢಿ. ಆದರೆ ಈ ಉಪಕರಣವನ್ನು ಹೆಚ್ಚಾಗಿ [[ಮಣಿಕಟ್ಟು|ಮಣಿಕಟ್ಟಿಗೆ]] (ಎದೆ ಎತ್ತಿದಾಗ) ಕಟ್ಟುತ್ತಾರೆ. ಅವುಗಳ ನಿಖರತೆಯಲ್ಲಿ ಹೆಚ್ಚಾಗಿ ವ್ಯತ್ಯಾಸಗಳಾಗುತ್ತವೆ. ಆದ್ದರಿಂದ ನಿರ್ದಿಷ್ಟ ಮಧ್ಯಂತರಗಳಲ್ಲಿ ಪರೀಕ್ಷಿಸುತ್ತಿರಬೇಕು ಮತ್ತು ಅಗತ್ಯಬಿದ್ದಲ್ಲಿ ಪುನರ್ ಮಾಪನಾಂಕ ಮಾಡಬೇಕು.

ಆಂದೋಲನಮಾಪಿ ಮಾಪನಕ್ಕೆ ಶ್ರಾವಕ ತಂತ್ರಜ್ಞಾನಕ್ಕೆ ಬೇಕಾಗುವಷ್ಟು ಪರಿಣತಿ ಬೇಡ, ಮತ್ತು ತರಬೇತಿ ಪಡೆಯದ ಸಿಬ್ಬಂದಿ ಕೂಡ ಬಳಸಬಹುದು ಮತ್ತು ರೋಗಿಯು ಮನೆಯಲ್ಲಿದ್ದುಕೊಂಡೇ ತನ್ನನ್ನು ತಾನು ಪರೀಕ್ಷಿಸಿಕೊಳ್ಳಬಹುದು.

ಸಂಕೋಚನದ ಅಪಧಮನಿಯ ಒತ್ತಡ ಮಿತಿಮೀರಿದರೆ, ಆರಂಭದಲ್ಲಿ ಒತ್ತಡಕ್ಕೆ ತಕ್ಕಂತೆ ಪಟ್ಟಿಯನ್ನು ಉಬ್ಬಿಸಲಾಗುತ್ತದೆ, ಮತ್ತು ಆನಂತರದ 30 ಕ್ಷಣಗಳಲ್ಲಿ ವ್ಯಾಕೋಚನದ ಒತ್ತಡದಿಂದಲೂ ಕೆಳಕ್ಕೆ ಇಳಿಸಲಾಗುತ್ತದೆ. ರಕ್ತದ ಹರಿವು ನಿಂತಾಗ (ಪಟ್ಟಿಯ ಒತ್ತಡ ಸಂಕೋಚನದ ಒತ್ತಡವನ್ನು ಮೀರಿದಾಗ) ಅಥವಾ ತಡೆಯಿಲ್ಲದಿದ್ದಾಗ (ಪಟ್ಟಿಯ ಒತ್ತಡ ವ್ಯಾಕೋಚನದ ಒತ್ತಡಕ್ಕಿಂತ ಕೆಳಗಿದ್ದಾಗ), ಪಟ್ಟಿಯ ಒತ್ತಡ ಅತ್ಯಾವಶ್ಯಕವಾಗಿ ಸ್ಥಿರವಾಗಿರಬೇಕು. ಆದ್ದರಿಂದ ಪಟ್ಟಿಯ ಗಾತ್ರ ಸರಿಯಾಗಿರುವುದು ಅತ್ಯವಶ್ಯ: ಚಿಕ್ಕ ಗಾತ್ರದ ಪಟ್ಟಿಗಳು ಅತಿ ಒತ್ತಡಕ್ಕೆ ಕಾರಣವಾಗಬಹುದು, ಅಂತೆಯೇ ದೊಡ್ಡ ಗಾತ್ರದ ಪಟ್ಟಿಗಳು ಕಡಿಮೆ ಒತ್ತಡಕ್ಕೆ ಕಾರಣವಾಗಬಹುದು. ರಕ್ತದ ಹರಿವಿದ್ದು, ಆದರೆ ನಿರ್ಬಂಧಿಸಲ್ಪಟ್ಟಿದ್ದಲ್ಲಿ, ಒತ್ತಡ ಸಂವೇದಕದ ನಿಯಂತ್ರಣದಲ್ಲಿರುವ ಪಟ್ಟಿಯ ಒತ್ತಡ, ನಿಯತಕಾಲಿಕವಾಗಿ ಬದಲಾಗುತ್ತಾ ಆವರ್ತದ ವಿಸ್ತರಣೆ ಜೊತೆಗೆ ಸಮನ್ವಯಗೊಳ್ಳುತ್ತದೆ ಮತ್ತು ತೋಳಿನ ಅಪಧಮನಿಯ ಕುಗ್ಗುವಿಕೆ, ಅಂದರೆ, ಅದು ಅನಿಶ್ಚಿತವಾಗಿರುತ್ತದೆ. ಸಂಕೋಚನದ ಮತ್ತು ವ್ಯಾಕೋಚನದ ಒತ್ತಡಗಳ ಮೌಲ್ಯಗಳನ್ನು ಗಣಕೀಕರಿಸಲಾಗಿದೆ, ಕಚ್ಚಾ ವಿವರಗಳಿಂದ ನಿಜವಾಗಿ ಮಾಪನ ಮಾಡುವುದಲ್ಲ, ಕ್ರಮಾವಳಿಯನ್ನು ಬಳಸಿಕೊಂಡು; ಗಣಕೀಕೃತ ಫಲಿತಾಂಶಗಳನ್ನು ಕಾಣಿಸಲಾಗುತ್ತದೆ.

ರೋಗಿಗಳ ಹೃದಯ ಮತ್ತು ಪರಿಚಲನೆ ಸಮಸ್ಯೆಗಳ ಕುರಿತು ಆಂದೋಲನಮಾಪಿ ಮಾನಿಟರ್‌ಗಳು ತಪ್ಪಾದ ವಿವರಗಳನ್ನು ನೀಡುವ ಸಾಧ್ಯತೆಗಳೂ ಇವೆ, ಅಪಧಮನಿಯ ಪೆಡಸುಗಟ್ಟಿಕೆ, ಎರಿತ್ಮಿಯಾ, ಪ್ರೀಎಕ್ಲಾಂಪ್ಸಿಯಾ, ಪಲ್ಸಸ್ ಆಲ್ಟರ್ನನ್ಸ್, ಮತ್ತು ಪಲ್ಸಸ್ ಪಾರಾಡಾಕ್ಸಸ್ ಇವುಗಳಲ್ಲಿ ಸೇರಿವೆ.

ಬಳಕೆಯಲ್ಲಿರುವ ವಿವಿಧ ವಿಧಾನಗಳು ಏಕರೀತಿಯ ಫಲಿತಾಂಶಗಳನ್ನು ನೀಡುವುದಿಲ್ಲ; ನೀಡಿರುವ ವಿವರಗಳ ಜೊತೆ ಆಂದೋಲನಮಾಪಿ ಫಲಿತಾಂಶಗಳನ್ನು ಹೊಂದಿಸಲು ಕ್ರಮಾವಳಿ ಮತ್ತು ಪ್ರಾಯೋಗಿಕವಾಗಿ ಪಡೆದ ಸಹಕರ್ತೃಗಳನ್ನು ಬಳಸಲಾಗುತ್ತದೆ. ಇವು ಶ್ರಾವಕ ಫಲಿತಾಂಶಗಳಿಗೆ ಸರಿಸಾಟಿಯಾಗಿರುತ್ತವೆ ಮತ್ತು ಇದು ಸಾಧ್ಯ. ಕೆಲವು ಉಪಕರಣಗಳು ಸಂಕೋಚನದ, ಸರಾಸರಿ, ಮತ್ತು ವ್ಯಾಕೋಚನದ ಅಂಶಗಳನ್ನು ನಿರ್ಣಯಿಸಲು [[ಕಂಪ್ಯೂಟರ್|ಗಣಕ]]ದ ನೆರವಿನಿಂದ ಪಡೆದ ತತ್ ‌ಕ್ಷಣದ ಅಪಧಮನಿಯ ಒತ್ತಡದ ತರಂಗರೂಪದ ವಿಶ್ಲೇಷಣೆಯನ್ನು ಬಳಸುತ್ತವೆ. ಅನೇಕ ಆಂದೋಲನಮಾಪಿ ಉಪಕರಣಗಳನ್ನು ಊರ್ಜಿತಗೊಳಿಸದೇ ಇರುವುದರಿಂದಾಗಿ, ಮತ್ತು ಹೆಚ್ಚಿನವುಗಳು ಪ್ರಾಯೋಗಿಕವಾಗಿ ಮತ್ತು ಜಾಗರೂಕತೆ ದೃಷ್ಟಿಯಿಂದ ಸೂಕ್ತವಲ್ಲದ ಕಾರಣ ಎಚ್ಚರಿಕೆ ನೀಡಬೇಕಾದ್ದು ಅಗತ್ಯ.

ಛೇದನ ಬೇಕಿರದ ರಕ್ತದೊತ್ತಡಕ್ಕಿರುವ ಪದ NIBP ಯನ್ನು, ಹೆಚ್ಚಾಗಿ ಆಂದೋಲನಮಾಪಿ ಮಾನಿಟರ್‌ ಉಪಕರಣವನ್ನು ವಿವರಿಸಲು ಬಳಸಲಾಗಿದೆ.

=== ಛೇದನ ಬೇಕಿರುವ ಮಾಪನ ===
ಛೇದನ ಬೇಕಿರುವ ವಿಧಾನದಿಂದ ಅಪಧಮನಿಯ ರೇಖೆಯ ಮೂಲಕ ಹೆಚ್ಚು ನಿಖರವಾಗಿ ಅಪಧಮನಿಯ ರಕ್ತದೊತ್ತಡ (BP) ವನ್ನು ಅಳೆಯಬಹುದು. ಅಂತರ್‌ನಾಳೀಯ ತೂರುನಳಿಗೆ (ಕ್ಯಾನ್ಯುಲ) ಜೊತೆ ಅಪಧಮನಿಯ ಒತ್ತಡದ ಛೇದನ ಬೇಕಿರುವ ಮಾಪನ, ಅಪಧಮನಿಯಲ್ಲಿ ತೂರುನಳಿಗೆಯ ಸೂಜಿಯನ್ನು ಚುಚ್ಚುವ ಮೂಲಕ ಅಪಧಮನಿಯ ಒತ್ತಡವನ್ನು ನೇರವಾಗಿ ಅಳೆಯುವುದನ್ನು ಒಳಗೊಂಡಿದೆ (ಸಾಮಾನ್ಯವಾಗಿ ಪ್ರಧಾನ, ತೊಡೆಯೆಲುಬಿನ, ಡೊರ್ಸಾಲಿಸ್ ಪೆಡಿಸ್ ಅಥವಾ ತೋಳಿನ). ಈ ಪ್ರಕ್ರಿಯೆಯನ್ನು ಪರವಾನಗಿ ಹೊಂದಿದ ಯಾವುದೇ [[ವೈದ್ಯ]] ಅಥವಾ ಉಸಿರಾಟದ ಚಿಕಿತ್ಸಾಶಾಸ್ತ್ರಜ್ಞನು ಮಾಡಬಹುದು.

ಶುಷ್ಕ, [[ದ್ರವ]] ತುಂಬಿದ ವ್ಯವಸ್ಥೆ ಜೊತೆ ಕ್ಯಾನ್ಯುಲವನ್ನು ಸೇರಿಸಿರಬೇಕು, ಅದನ್ನು ಇಲೆಕ್ಟ್ರಾನಿಕ್ ಒತ್ತಡ ಸಂಜ್ಞಾಪರಿವರ್ತಕದ ಜೊತೆ ಸೇರಿಸಬೇಕು. ಈ ವ್ಯವಸ್ಥೆಯ ಅನುಕೂಲವೆಂದರೆ, ಪ್ರತಿ ಬಡಿತವನ್ನು ನಿರಂತರವಾಗಿ ನೋಡಬಹುದು, ಮತ್ತು ತರಂಗರೂಪಗಳಲ್ಲಿ (ಕಾಲಕ್ಕೆ ಸರಿಯಾಗಿ ಒತ್ತಡದ ರೇಖಾಚಿತ್ರ) ಕಾಣಬಹುದು. ಮಾನವ ಮತ್ತು ಪಶುವೈದ್ಯಕೀಯ (ತೀವ್ರ ಶುಶ್ರೂಷೆ ಔಷಧಿ, ಅರಿವಳಿಕೆ ಶಾಸ್ತ್ರ) ಮತ್ತು ಸಂಶೋಧನೆಗಳಲ್ಲಿ ಈ ಛೇದನ ಬಳಸುವ ತಂತ್ರಜ್ಞಾನವನ್ನು ನಿಯತವಾಗಿ ಬಳಸುತ್ತಾರೆ.

ನಾಳೀಯ ಒತ್ತಡದ ಮಾಪನಕ್ಕಾಗಿ ತೂರುನಳಿಗೆಯನ್ನು ತೂರಿಸುವ ಛೇದನ ಬಳಸುವ ವಿಧಾನವು ಕೆಲವೊಮ್ಮೆ ತ್ರೊಂಬೊಸಿಸ್, [[ಸೋಂಕು]] ಮತ್ತು [[ರಕ್ತಸ್ರಾವ|ರಕ್ತಸ್ರಾವದಂತಹ]] ಜಟಿಲ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಛೇದನ ಬಳಸುವ ವಿಧಾನದಲ್ಲಿ ಅಪಧಮನಿಯ ಚಿಕಿತ್ಸೆಗೆ ಒಳಪಟ್ಟ ರೋಗಿಗಳ ಬಗ್ಗೆ ತೀರಾ ಸಮೀಪದ ಮೇಲ್ವಿಚಾರಣೆಯ ಅಗತ್ಯವಿದೆ, ಏಕೆಂದರೆ ಅಪಧಮನಿಯ ನಾಳಗಳು ಸಂಪರ್ಕ ಕಡಿದುಕೊಂಡಲ್ಲಿ ತೀವ್ರ ರಕ್ತಸ್ರಾವವಾಗುವ ಅಪಾಯವಿದೆ. ಸಾಮಾನ್ಯವಾಗಿ ಈ ವಿಧಾನ ರೋಗಿಗಳಿಗೆ ಮೀಸಲಾಗಿರುತ್ತದೆ, ಏಕೆಂದರೆ ಅವರ ಅಪಧಮನಿಯ ಒತ್ತಡಗಳಲ್ಲಿ ಕ್ಷಿಪ್ರ ಬದಲಾವಣೆಗಳನ್ನು ನಿರೀಕ್ಷಿಸಬಹುದು.

ಛೇದನ ಬಳಸುವ ನಾಳೀಯ ಒತ್ತಡ ಮಾನಿಟರ್‌ಗಳು ಒತ್ತಡದ ಮೇಲ್ವಿಚಾರಣೆಗಾಗಿ ವಿನ್ಯಾಸಗೊಳಿಸಲಾದ ವ್ಯವಸ್ಥೆಗಳಾಗಿದ್ದು, ಇವು ಒತ್ತಡ ಕುರಿತ ಮಾಹಿತಿಯನ್ನು ಪಡೆದು ಸಂಸ್ಕರಿಸುತ್ತವೆ ಮತ್ತು ಪ್ರದರ್ಶಿಸುತ್ತವೆ. ಆಘಾತ, ತುರ್ತು ಚಿಕಿತ್ಸೆ, ಮತ್ತು ಶಸ್ತ್ರ ಚಿಕಿತ್ಸಾ ಕೋಣೆಯ ಉಪಕರಣಗಳಿಗಾಗಿ ವಿವಿಧ ರೀತಿಯ ಛೇದನ ಬಳಸುವ ನಾಳೀಯ ಒತ್ತಡ ಮಾನಿಟರ್‌ಗಳಿವೆ. ಏಕ ಒತ್ತಡ, ಇಬ್ಬಗೆಯ ಒತ್ತಡ, ಮತ್ತು ಬಹು-ಪರಿಮಾಣ (ಅಂದರೆ ಒತ್ತಡ / ಉಷ್ಣತೆ) ಇವುಗಳಲ್ಲಿ ಸೇರಿವೆ. ಅಪಧಮನಿ, ಕೇಂದ್ರ ಅಭಿಧಮನಿ, [[ಶ್ವಾಸಕೋಶ|ಶ್ವಾಸಕೋಶದ]] ಅಪಧಮನಿ, ಎಡ ಹೃತ್ಕರ್ಣ, ಬಲ ಹೃತ್ಕರ್ಣ, ತೊಡೆಯೆಲುಬಿನ ಅಪಧಮನಿ, [[ನಾಭಿ|ಹೊಕ್ಕುಳಿನ]] ರಕ್ತನಾಳಗಳು, ಹೊಕ್ಕುಳಿನ ಅಪಧಮನಿ, ಮತ್ತು [[ಮೆದುಳು|ಮೆದುಳಿನ]] ಒತ್ತಡಗಳ ಮಾಪನ ಮತ್ತು ಅನುಸರಣೆಗಳಿಗೆ ಮಾನಿಟರ್‌ಗಳನ್ನು ಬಳಸಬಹುದು.

ಮಾನಿಟರ್‌ಗಳ ಮೈಕ್ರೊ ಕಂಪ್ಯೂಟರ್ ವ್ಯವಸ್ಥೆಗಳಿಂದ ನಾಳೀಯ ಒತ್ತಡದ ಪರಿಮಾಣಗಳು ಹುಟ್ಟಿಕೊಂಡಿವೆ. ಸಾಮಾನ್ಯವಾಗಿ, ಸಂಕೋಚನದ, ವ್ಯಾಕೋಚನದ, ಮತ್ತು ಸರಾಸರಿ ಒತ್ತಡಗಳು ಮಿಡಿತದ ತರಂಗರೂಪಗಳಾಗಿ ಏಕಕಾಲದಲ್ಲಿ ಕಾಣಿಸಿಕೊಳ್ಳುತ್ತವೆ (ಅಂದರೆ ಅಪಧಮನಿ ಮತ್ತು ಶ್ವಾಸಕೋಶದ ಅಪಧಮನಿ). ಕೆಲವು ಮಾನಿಟರ್‌ಗಳು CPP (ಮಿದುಳಿನ ಸೇಚನೆ ಒತ್ತಡ) ಯನ್ನು ಲೆಕ್ಕಮಾಡುತ್ತವೆ ಮತ್ತು ಪ್ರದರ್ಶಿಸುತ್ತವೆ ಕೂಡ. ಸಾಮಾನ್ಯವಾಗಿ, ಮಾನಿಟರ್‌ಗಳ ಎದುರು ಭಾಗದಲ್ಲಿರುವ ಶೂನ್ಯ ಕೀಲಿಯನ್ನು ಅದುಮಿದರೆ ಒತ್ತಡವನ್ನು ಅತ್ಯಂತ ವೇಗವಾಗಿ ಮತ್ತು ಸುಲಭವಾಗಿ ಶೂನ್ಯಕ್ಕೆ ತಂದು ನಿಲ್ಲಿಸುತ್ತದೆ. ರೋಗಿಯನ್ನು ನೋಡಿಕೊಳ್ಳುವ ಜವಾಬ್ದಾರಿಯಿರುವ ವೈದ್ಯಕೀಯ ವೃತ್ತಿಯ ವ್ಯಕ್ತಿಗೆ ಸಹಕರಿಸಲೆಂದು ಎಚ್ಚರಿಕೆ ಗಂಟೆಯನ್ನು ಇಡುವ ವ್ಯವಸ್ಥೆ ಕೂಡ ಇದರಲ್ಲುಂಟು. ಕಾಣಬಹುದಾದ ಉಷ್ಣತಾ ಪರಿಮಾಣಗಳ ಆಧಾರದ ಮೇಲೆ ಹೆಚ್ಚು ಮತ್ತು ಕಡಿಮೆ ಮಟ್ಟದ ಎಚ್ಚರಿಕೆ ಗಂಟೆಗಳನ್ನು ಇಡಬಹುದು.

=== ಮನೆಯಿಂದಲೇ ಮೇಲ್ವಿಚಾರಣೆ ===

ಕೆಲವು ರೋಗಿಗಳಿಗೆ, ವೈದ್ಯರ ಕಚೇರಿಯಲ್ಲಿ ತೆಗೆದುಕೊಂಡ ರಕ್ತದೊತ್ತಡ ಮಾಪನಗಳು ಅವರ ನೈಜ ರಕ್ತದೊತ್ತಡದ ಬಗ್ಗೆ ಸರಿಯಾದ ಚಿತ್ರಣ ನೀಡದೇ ಇರಬಹುದು. ವೈದ್ಯರ ಕಚೇರಿಗೆ ಭೇಟಿ ನೀಡಿದ 25% ಮಂದಿ ರೋಗಿಗಳ ರಕ್ತದೊತ್ತಡದ ಮಾಪನ, ಅವರ ನೈಜ ರಕ್ತದೊತ್ತಡಕ್ಕಿಂತ ಅಧಿಕವಿರುವ ಸಾಧ್ಯತೆಗಳೇ ಹೆಚ್ಚು. ಈ ತೆರನಾದ ತಪ್ಪುಗಳನ್ನು ವೈಟ್‌ ಕೋಟ್ ಅಧಿಕ ರಕ್ತದೊತ್ತಡವೆನ್ನುತ್ತಾರೆ ಮತ್ತು ವೈದ್ಯಕೀಯ ವೃತ್ತಿಯಲ್ಲಿ ತೊಡಗಿರುವವರು ಪರೀಕ್ಷೆಗಳನ್ನು ನಡೆಸುವಾಗ ಉಂಟಾಗುವ ತಳಮಳದಿಂದಾಗಿ ಈ ಫಲಿತಾಂಶಗಳು ದೊರೆಯುತ್ತವೆ.<ref>{{cite journal |url=http://www.bpmonitoring.com/pt/re/bpm/abstract.00126097-200512000-00006.htm;jsessionid=LpvGzJN7PDC1yqJtnQj3ZWfmzgdnhWycyzsKybSHsr2FLx3hR1vh!1805002056!181195629!8091!-1 |author=Jhalani, Juhee a; Goyal, Tanya a; Clemow, Lynn a; Schwartz, Joseph E. b; Pickering, Thomas G. a; Gerin, William a|title=Anxiety and outcome expectations predict the white-coat effect.  |volume=10(6), December 2005 |publisher= Lippincott Williams & Wilkins, Inc. |pages=pp317–319}}</ref> ಈ ರೋಗಿಗಳಿಗೆ ಅಧಿಕ ರಕ್ತದೊತ್ತಡವೆಂದು ತಪ್ಪಾಗಿ ನಿರ್ಣಯಿಸಿದ ಪರಿಣಾಮವಾಗಿ ಅವರು ಹಾನಿಕಾರಕ ಔಷಧಗಳನ್ನು ತೆಗೆದುಕೊಂಡು ಅನಾವಶ್ಯಕ ಮತ್ತು ಅಪಾಯಕಾರಿ ಸನ್ನಿವೇಶಗಳು ಎದುರಾಗುವ ಸಾಧ್ಯತೆಗಳಿರುತ್ತವೆ. ಇದರಿಂದಾಗಿ ಆಗುವ ಪರಿಣಾಮಗಳ ಮಹತ್ವದ ಬಗ್ಗೆ ಚರ್ಚೆಗಳು ಮುಂದುವರಿದಿವೆ. ಕೆಲವು ಪ್ರತಿಕ್ರಿಯಾಶೀಲ ರೋಗಿಗಳು ತಮ್ಮ ನಿತ್ಯ ಜೀವನದುದ್ದಕ್ಕೂ ಎದುರಾಗುವ ಇತರ ಅನೇಕ ಪ್ರೇರಣೆಗಳಿಗೆ ಕೂಡ ಪ್ರತಿಕ್ರಿಯಿಸುತ್ತಾರೆ, ಮತ್ತು ಅವರಿಗೆ ಚಿಕಿತ್ಸೆಯ ಅವಶ್ಯಕತೆಯಿದೆ. ವೈಟ್ ಕೋಟ್ ಪರಿಣಾಮ ಒಂದು ಸೂಚನೆಯಾಗಿರಬಹುದು, ಆದರೆ ಇಲ್ಲಿ ಹೆಚ್ಚಿನ ತಪಾಸಣೆಯ ಅಗತ್ಯವಿದೆ. ಇನ್ನೊಂದು ನಿಟ್ಟಿನಲ್ಲಿ ಗಮನಿಸಿದರೆ, ಕೆಲವು ಪ್ರಕರಣಗಳಲ್ಲಿ ವೈದ್ಯರ ಕಚೇರಿಯಲ್ಲಿ ದಾಖಲಾದ ರೋಗಿಯ ರಕ್ತದೊತ್ತಡ ಆತನ ನೈಜ ರಕ್ತದೊತ್ತಡಕ್ಕಿಂತ ಕಡಿಮೆ ಪ್ರಮಾಣದಲ್ಲಿರುತ್ತದೆ ಮತ್ತು ಇಂತಹ ಸಂದರ್ಭಗಳಲ್ಲಿ ರೋಗಿಗಳು ಅಧಿಕ ರಕ್ತದೊತ್ತಡಕ್ಕಿರುವ ಅವಶ್ಯ ಚಿಕಿತ್ಸೆ ಪಡೆಯಲು ಸಾಧ್ಯವಾಗದೆಯೂ ಇರಬಹುದು.<ref name="Elliot2007">{{cite news | first=Victoria Stagg | last=Elliot | coauthors= | title=Blood pressure readings often unreliable | date=2007-06-11 | publisher=American Medical Association | url =http://www.ama-assn.org/amednews/2007/06/11/hlsa0611.htm | work =American Medical News | pages = | accessdate = 2008-08-16 | language = }}</ref>

ಸಂಚಾರಿ ರಕ್ತದೊತ್ತಡ ಉಪಕರಣಗಳು ದಿನದ ಉದ್ದಕ್ಕೂ ಪ್ರತಿ ಅರ್ಧ ತಾಸಿಗೊಮ್ಮೆ ರಕ್ತದೊತ್ತಡದ ವಿವರಗಳನ್ನು ನೀಡುತ್ತವೆ ಮತ್ತು ರಾತ್ರಿ ವೇಳೆಯಲ್ಲಿ ಈ ಉಪಕರಣಗಳು ಗುರುತಿಸಲು ಮತ್ತು ಶಾಂತವಾಗಿರಲು ನೆರವಾಗುತ್ತವೆ. ನಿದ್ರೆಯಲ್ಲಿನ ಅವಧಿಗಳನ್ನು ಹೊರತುಪಡಿಸಿ, ಸಂಚಾರಿ ರಕ್ತದೊತ್ತಡದ ಮೇಲ್ವಿಚಾರಣೆಯ ಬದಲು ಮನೆಯಿಂದಲೇ ಮೇಲ್ವಿಚಾರಣೆ ಮಾಡುವ ವಿಧಾನವನ್ನು ಬಳಸಿಕೊಳ್ಳಬಹುದು.<ref name="Mancia2007">{{cite journal |author=Mancia G, De Backer G, Dominiczak A, et al |title=2007 Guidelines for the management of arterial hypertension: The Task Force for the Management of Arterial Hypertension of the European Society of Hypertension (ESH) and of the European Society of Cardiology (ESC) |journal=Eur Heart J |volume=28 |issue=12 |pages=1462–536 |year=2007 |month=June |pmid=17562668 |doi=10.1093/eurheartj/ehm236 |url= }}</ref> ಅಧಿಕ ರಕ್ತದೊತ್ತಡ ನಿರ್ವಹಣೆಯ ಸುಧಾರಣೆ ಮತ್ತು ಜೀವನಶೈಲಿಯಲ್ಲಿನ ಬದಲಾವಣೆಗಳಿಂದಾಗುವ ಪರಿಣಾಮಗಳ ಮೇಲ್ವಿಚಾರಣೆ ಮತ್ತು ರಕ್ತದೊತ್ತಡ ಸಂಬಂಧಿ ಚಿಕಿತ್ಸೆಗಳ ನಿರ್ವಹಣೆಗೆ ಕೂಡ ಮನೆ ಮೇಲ್ವಿಚಾರಣೆಯನ್ನು ಬಳಸಬಹುದು.<ref name="Chobanian2003">{{cite journal |author=Chobanian AV, Bakris GL, Black HR, ''et al'' |title=Seventh report of the Joint National Committee on Prevention, Detection, Evaluation, and Treatment of High Blood Pressure |journal=Hypertension |volume=42 |issue=6 |pages=1206–52 |year=2003 |month=December |pmid=14656957 |doi=10.1161/01.HYP.0000107251.49515.c2 |url=}}</ref> ಸಂಚಾರಿ ರಕ್ತದೊತ್ತಡ ಮಾಪನಗಳಿಗೆ ಹೋಲಿಸಿದಲ್ಲಿ, ಮನೆ ಮೇಲ್ವಿಚಾರಣೆ ವಿಧಾನ ಹೆಚ್ಚು ಪರಿಣಾಮಕಾರಿ ಮತ್ತು ಇತರವುಗಳಿಗಿಂತ ಕಡಿಮೆ ವೆಚ್ಚದ್ದು ಎಂದು ಕಂಡುಬಂದಿದೆ.<ref name="Mancia2007" /><ref name="Niiranen2006">{{cite journal|title=A comparison of home measurement and ambulatory monitoring of blood pressure in the adjustment of antihypertensive treatment|journal=Am J Hypertens|year=2006|first=TJ|last=Niiranen|coauthors=Kantola IM, Vesalainen R, et al|volume=19|issue=5|pages=468–74|pmid=16647616 |url=|format=|accessdate=|doi=10.1016/j.amjhyper.2005.10.017 }}</ref><ref name="Shimbo2007">{{cite journal|title=Relative utility of home, ambulatory, and office blood pressures in the prediction of end-organ damage|journal=Am J Hypertens|year=2007|first=Daichi|last=Shimbo|coauthors=Thomas G. Pickering, Tanya M. Spruill, et al|volume=20|issue=5|pages=476–82|pmid=17485006 |url=http://www.nature.com/ajh/journal/v20/n5/abs/ajh200783a.html|format={{dead link|date=May 2009}}|accessdate=|doi=10.1016/j.amjhyper.2006.12.011 }}</ref>

ವೈಟ್ ಕೋಟ್ ಪರಿಣಾಮಗಳನ್ನು ಹೊರತುಪಡಿಸಿ, ಬಹುತೇಕ ಜನರು ಕ್ಲಿನಿಕ್‌ಗಳ ಹೊರಗೆ ಪಡೆದ ಅಪಧಮನಿಯ ಒತ್ತಡ ಮಾಪನದ ವಿವರಗಳು ಸಾಮಾನ್ಯವಾಗಿ ಸ್ವಲ್ಪಮಟ್ಟಿಗೆ ಕಡಿಮೆಯಿರುತ್ತವೆ. ಅಧಿಕ ರಕ್ತದೊತ್ತಡದಿಂದಾಗುವ ಅಪಾಯಗಳು ಮತ್ತು ಕ್ಲಿನಿಕ್ ಪರಿಸರದಲ್ಲಿ ದೊರೆಯುವ ವಿವರಗಳ ಆಧಾರದ ಮೇಲೆ ಬಾಧಿತ ರೋಗಿಗಳಲ್ಲಿ ಅಪಧಮನಿಯ ಒತ್ತಡವನ್ನು ಕಡಿಮೆ ಮಾಡುವುದರಿಂದಾಗುವ ಪ್ರಯೋಜನಗಳ ಕುರಿತು ಅಧ್ಯಯನಗಳು ನಡೆದಿವೆ.

ರಕ್ತದೊತ್ತಡವನ್ನು ಅಳೆಯುವುದಕ್ಕಿಂತ 30 ನಿಮಿಷಗಳ ಮುನ್ನ ಆತ ಅಥವಾ ಆ ವ್ಯಕ್ತಿ [[ಕಾಫಿ]] ಸೇವಿಸಿರಬಾರದು, [[ಧೂಮಪಾನ]] ಮಾಡಿರಬಾರದು, ಅಥವಾ ಕಠಿಣ [[ವ್ಯಾಯಾಮ|ವ್ಯಾಯಾಮಗಳನ್ನು]] ಮಾಡಿರಬಾರದು. ಹೀಗಿದ್ದಲ್ಲಿ ಮಾತ್ರ ರಕ್ತದೊತ್ತಡದ ನಿಖರವಾದ ವಿವರ ಸಿಗುತ್ತದೆ. [[ಉದರ|ಹೊಟ್ಟೆ]] ತುಂಬ [[ಆಹಾರ]] ಸೇವನೆ ಕೂಡ ರಕ್ತದೊತ್ತಡದ ಮಾಪನದ ಮೇಲೆ ಸಣ್ಣ ಪರಿಣಾಮ ಬೀರಬಹುದು. ಅಲ್ಲದೆ ತುರ್ತಾಗಿ [[ಮೂತ್ರ ವಿಸರ್ಜನೆ]] ಮಾಡಬೇಕೆಂದೆಸಿದರೆ ಮಾಪನದ ಮುಂಚೆಯೇ ಅದನ್ನು ಮುಗಿಸಬೇಕು. ರಕ್ತದೊತ್ತಡ ಮಾಪನದ 5 ನಿಮಿಷಕ್ಕಿಂತ ಮುನ್ನ ವ್ಯಕ್ತಿ, [[ಪಾದ|ಪಾದವನ್ನು]] ನೆಲಸಮಾನವಾಗಿಸಿ ಕಾಲುಗಳನ್ನು ಅಡ್ಡಹಾಕದೆ [[ಕುರ್ಚಿಗಳು|ಕುರ್ಚಿಯಲ್ಲಿ]] ನೇರವಾಗಿ ಕುಳಿತುಕೊಳ್ಳಬೇಕು. ರಕ್ತದೊತ್ತಡ ಅಳೆಯುವ ಪಟ್ಟಿಯನ್ನು ಯಾವಾಗಲೂ ನಗ್ನ ಚರ್ಮಕ್ಕೆ ಕಟ್ಟಬೇಕು, ಏಕೆಂದರೆ ಅಂಗಿಯ ತೋಳಿಗೆ ಕಟ್ಟಿದಲ್ಲಿ ನಿಖರ ಮಾಪನಗಳು ಸಿಗುವ ಸಾಧ್ಯತೆ ಕಡಿಮೆ. ಮಾಪನದ ವೇಳೆ, ಪಟ್ಟಿಯನ್ನು ಕಟ್ಟಲು ಬಳಸಿದ ತೋಳನ್ನು ಸಡಿಲವಾಗಿಡಬೇಕು ಮತ್ತು ಅದು ಹೃದಯ ಮಟ್ಟದಲ್ಲಿರಬೇಕು, ಉದಾರಹಣೆಗೆ ತೋಳನ್ನು [[ಮೇಜು|ಮೇಜಿನ]] ಮೇಲೆ ಇರಿಸಿ ನಿರಾಳವಾಗಬಹುದು.<ref>{{cite journal| title=Tips for having your blood pressure taken| author=National Heart, Lung and Blood Institute| url=http://www.nhlbi.nih.gov/hbp/detect/tips.htm}}</ref>

ಅಪಧಮನಿಯ ಒತ್ತಡದಲ್ಲಿ ದಿನದುದ್ದಕ್ಕೂ ವ್ಯತ್ಯಾಸಗಳಾಗುವುದರಿಂದ, ಒಟ್ಟು ವಿವರಗಳು ಹೋಲಿಕೆಗೆ ಅರ್ಹವಾಗಿದೆ ಎಂದು ಖಾತ್ರಿಪಡಿಸಿಕೊಳ್ಳುವುದಕ್ಕಾಗಿ ಬದಲಾವಣೆಗಳ ಮೇಲೆ ನಿಗಾವಿಡಲೆಂದು ಉದ್ದೇಶಿಸಿ ದೀರ್ಘಕಾಲಾವಧಿಗೆ ಹೊಂದಿಸಿದ ಮಾಪನಗಳನ್ನು ದಿನದ ಆಯಾ ಸಮಯಕ್ಕೆ ದಾಖಲಿಸಿಕೊಳ್ಳಬೇಕು. ಸೂಕ್ತ ಸಮಯಗಳು:

* ಎಚ್ಚರವಾದ ತಕ್ಷಣ ([[ಮುಖ]] ತೊಳೆಯುವುದು/ವಸ್ತ್ರಧಾರಣೆ ಮತ್ತು ಉಪಾಹಾರ/[[ಪಾನೀಯ]] ಸೇವನೆಗೆ ಮುನ್ನ), ದೇಹವಿನ್ನೂ ವಿರಮಿಸಿಕೊಂಡಿರುವಾಗ 
* ಕೆಲಸ ಮುಗಿಸಿದ ಕೂಡಲೆ.

ಸ್ವಯಂಚಾಲಿತ ಸ್ವಯಂ-ಅಂತರ್ಗತ ರಕ್ತದೊತ್ತಡ ಮಾನಿಟರ್‌ಗಳು ಈಗ ದುಬಾರಿಯಲ್ಲದ ಬೆಲೆಯಲ್ಲಿ ದೊರೆಯುತ್ತವೆ. ಅವುಗಳ ಪೈಕಿ ಕೆಲವು ಆಂದೋಲನಮಾಪಿ ವಿಧಾನಕ್ಕೆ ಹೆಚ್ಚುವರಿಯಾಗಿ ಕೊರೊತ್ಕೋಫ್ ಮಾಪನ ಮಾಡುವ ಸಾಮಾರ್ಥ್ಯವನ್ನೂ ಹೊಂದಿವೆ. ಅಸಹಜ ಹೃದಯ ಬಡಿತ ಹೊಂದಿರುವ ರೋಗಿಗಳು ತಮ್ಮ ನಿಖರವಾದ ರಕ್ತದೊತ್ತಡವನ್ನು ಪಡೆಯಲು ಇವು ನೆರವಾಗುತ್ತವೆ.

== ವರ್ಗೀಕರಣ ==

ರಕ್ತದೊತ್ತಡದ ಈ ಕೆಳಗಿನ ವರ್ಗೀಕರಣ 18 ವರ್ಷ ಮತ್ತು ಮೇಲ್ಪಟ್ಟ ವಯಸ್ಸಿನ ವಯಸ್ಕರಿಗೆ ಅನ್ವಯವಾಗುತ್ತದೆ. ಈ ಕೆಳಗಿನವು ಆಸೀನ ಸ್ಥಿತಿಯಲ್ಲಿ ದಾಖಲಿಸಿದ ರಕ್ತದೊತ್ತಡದ ಮಾಪನಗಳ ಸರಾಸರಿ ಆಧಾರದ ಮೇಲೆ ಇವೆ. ವೈದ್ಯರಲ್ಲಿಗೆ 2 ಅಥವಾ ಹೆಚ್ಚು ಬಾರಿ ಭೇಟಿ ನೀಡಿದ್ದಾಗ ಸರಿಯಾಗಿ ಅಳತೆ ಮಾಡಿ ದಾಖಲಿಸಿಕೊಳ್ಳಲಾಗಿದೆ.<ref name="Chobanian2003" /><ref name="NHLBI2008">{{cite web|url=http://www.nhlbi.nih.gov/health/dci/Diseases/hyp/hyp_whatis.html |title=Diseases and Conditions Index - Hypotension |accessdate=2008-09-16 |month=September | year=2008 |publisher=National Heart Lung and Blood Institute }}</ref>

{| class="wikitable" style="margin:1em auto 1em auto"
|+ವಯಸ್ಕರ ರಕ್ತದೊತ್ತಡದ ವರ್ಗೀಕರಣ
|-
! width="200"|'''ವಿಭಾಗ''' 
! width="150"|'''ಸಂಕೋಚನದ, mmHg'''
! width="150"|'''ವ್ಯಾಕೋಚನದ , mmHg'''
|-
|  <center>ತೀರಾ ಕಡಿಮೆ ರಕ್ತದೊತ್ತಡ</center>
|  <center>< 90</center>
|  <center>< 60&nbsp;&nbsp;&nbsp;</center>
|-
|  <center>'''ಸಾಮಾನ್ಯ''' </center>
|  <center>&nbsp;'''90 – 119''' </center>
|  <center>'''60 – 79''' &nbsp;&nbsp;&nbsp;</center>
|-
|  <center>ಆರಂಭದ ಅಧಿಕ ರಕ್ತದೊತ್ತಡ</center>
|  <center>120 – 139</center>
|  <center> 80 – 89 &nbsp;</center>
|-
|  <center>ಹಂತ 1 ಅಧಿಕ ರಕ್ತದೊತ್ತಡ</center>
|  <center>140 – 159</center>
|  <center>90 – 99 &nbsp;</center>
|-
|  <center>ಹಂತ 2 ಅಧಿಕ ರಕ್ತದೊತ್ತಡ</center>
|  <center>≥ 160</center>
|  <center>≥ 100 &nbsp;</center>
|-
|}

== ಸಾಮಾನ್ಯ ಮೌಲ್ಯಗಳು ==
ನಿರ್ದಿಷ್ಟ [[ಜನಸಂಖ್ಯೆ|ಜನಸಂಖ್ಯೆಯಲ್ಲಿ]] ಅಪಧಮನಿಯ ಒತ್ತಡದ ಸರಾಸರಿ ಲೆಕ್ಕಾಚಾರ ಸಾಧ್ಯವಾಗಬಹುದಾದರೆ, ವ್ಯಕ್ತಿಯಿಂದ ವ್ಯಕ್ತಿಗೆ ಭಾರಿ ವ್ಯತ್ಯಾಸಗಳು ಆಗ್ಗಿಂದಾಗ್ಗೆ ಆಗಬಹುದು; ವ್ಯಕ್ತಿಗಳಲ್ಲಿ ಕ್ಷಣದಿಂದ ಕ್ಷಣಕ್ಕೆ ಅಪಧಮನಿಯ ಒತ್ತಡ ವ್ಯತ್ಯಾಸವಾಗುತ್ತದೆ. ಜೊತೆಗೆ, ಯಾವುದೇ ನಿರ್ದಿಷ್ಟ ಜನಸಂಖ್ಯೆಯ ಸರಾಸರಿ ತೆಗೆದರೆ ಅದರ ಒಟ್ಟು ಆರೋಗ್ಯದ ಬಗ್ಗೆ ಪ್ರಶ್ನಾರ್ಹ ಪರಸ್ಪರ ಸಂಬಂಧಗಳಿರಬಹುದು. ಆದ್ದರಿಂದ ಅಂತಹ ಸರಾಸರಿ ಮೌಲ್ಯಗಳ ಪ್ರಸ್ತುತತೆ ಕೂಡ ಅಷ್ಟೇ ಸಮಾನವಾಗಿ ಪ್ರಶ್ನಾರ್ಹವಾಗಿದೆ. ಆದಾಗ್ಯೂ, ಅಧಿಕ ರಕ್ತದೊತ್ತಡ ಹೊಂದಿರುವ 100 ಜನರ ಅಧ್ಯಯನ ಕೈಗೊಂಡಾಗ ಸರಾಸರಿ '''112/64 mmHg''' ರಕ್ತದೊತ್ತಡ ಕಂಡುಬಂದಿದೆ,<ref>{{cite journal |author=Pesola GR, Pesola HR, Nelson MJ, Westfal RE |title=The normal difference in bilateral indirect blood pressure recordings in normotensive individuals |journal=Am J Emerg Med |volume=19 |issue=1 |pages=43–5 |year=2001 |month=January |pmid=11146017 |doi=10.1053/ajem.2001.20021 |url=http://www.sciencedirect.com/science?_ob=ArticleURL&_udi=B6W9K-45SRDHC-C&_user=10&_coverDate=01%2F31%2F2001&_rdoc=1&_fmt=&_orig=search&_sort=d&view=c&_acct=C000050221&_version=1&_urlVersion=0&_userid=10&md5=74f2b32e088d88986cd307f6c7219331 |access-date=2009-10-21 |archive-date=2011-04-05 |archive-url=https://web.archive.org/web/20110405044837/http://www.sciencedirect.com/science?_ob=ArticleURL&_udi=B6W9K-45SRDHC-C&_user=10&_coverDate=01%2F31%2F2001&_rdoc=1&_fmt=&_orig=search&_sort=d&view=c&_acct=C000050221&_version=1&_urlVersion=0&_userid=10&md5=74f2b32e088d88986cd307f6c7219331 |url-status=dead }}</ref> ಇದು ಸಾಮಾನ್ಯ ಪರಿಮಿತಿಯಲ್ಲೇ ಇದೆ.

[[ಮಗು|ಮಕ್ಕಳಲ್ಲಿ]] ಸಾಮಾನ್ಯ ಪರಿಮಿತಿಗಳು ವಯಸ್ಕರಿಗಿಂತ ಕಡಿಮೆಯಿರುತ್ತವೆ.<ref>{{cite journal|title=Blood Pressure Tables for Children and Adolescents|author=National Heart, Lung and Blood Institute|url=http://www.nhlbi.nih.gov/guidelines/hypertension/child_tbl.htm}} (50ನೆ ಶೇಕಡಕವು ಅಪಧಮನಿ ರಕ್ತದೊತ್ತಡದ ಬಗ್ಗೆ ಕೊಟ್ಟಿರುವುದನ್ನು ಗಮನಿಸಿ ಮತ್ತು ನೀಡಲಾಗಿರುವ ವಯಸ್ಸು, ಎತ್ತರ ಮತ್ತು ಲಿಂಗ ನಿರ್ಧಾರದ ಆಧಾರದ ಮೇಲೆ ಅಧಿಕ ರಕ್ತದೊತ್ತಡವನ್ನು [[ಶೇಕಡಕ|95ನೆ ಶೇಕಡಕವು]] ವ್ಯಾಖ್ಯಾನಿಸಿದೆ.)</ref> ವಯಸ್ಸಾದವರಲ್ಲಿ ರಕ್ತದೊತ್ತಡದ ಮೌಲ್ಯಗಳು ಸಾಮಾನ್ಯ ವಯಸ್ಕರಿಗಿಂತ ಹೆಚ್ಚಿರುವುದು ಸರ್ವೇಸಾಧಾರಣ. ವಯಸ್ಸು ಮತ್ತು [[ಲಿಂಗ]]<ref name="Reckelhoff2001">{{cite journal|title=Gender Differences in the Regulation of Blood Pressure|journal=Hypertension|date=2001 May|first=Jane F.|last=Reckelhoff|coauthors=|volume=37|issue=5|pages=1199–208|id=PMID 11358929|url=http://hyper.ahajournals.org/cgi/content/abstract/hypertensionaha;37/5/1199|format=|accessdate=|pmid=11358929|month=May|day=01|archive-date=2009-08-25|archive-url=https://web.archive.org/web/20090825073216/http://hyper.ahajournals.org/cgi/content/abstract/hypertensionaha;37/5/1199|url-status=dead}}</ref> ಇತ್ಯಾದಿ ವಿಷಯಗಳು ರಕ್ತದೊತ್ತಡದ ಮೇಲೆ ಪ್ರಭಾವ ಬೀರುತ್ತವೆ. ವ್ಯಾಯಾಮ, ಭಾವನಾತ್ಮಕ ಪ್ರತಿಕ್ರಿಯೆ, ನಿದ್ರೆ, [[ಪಚನ|ಜೀರ್ಣಕ್ರಿಯೆ]] ಮತ್ತು ದಿನದ ಸಮಯಕ್ಕೆ ಅನುಗುಣವಾಗಿ ಒತ್ತಡ ಬದಲಾಗುತ್ತಾ ಹೋಗುತ್ತದೆ.

ಎಡ ಮತ್ತು ಬಲ ತೋಳಿನ ರಕ್ತದೊತ್ತಡದ ಮಾಪನಗಳಲ್ಲಿನ ವ್ಯತ್ಯಾಸಗಳು ಗೊತ್ತುಗುರಿಯಿಲ್ಲದ ಪ್ರವೃತ್ತಿಯನ್ನು ಹೊಂದಿರುತ್ತವೆ ಮತ್ತು ಸಾಕಷ್ಟು ಮಾಪನಗಳನ್ನು ತೆಗೆದುಕೊಂಡಲ್ಲಿ ಸರಾಸರಿ ಶೂನ್ಯದ ಸನಿಹದಲ್ಲಿರುತ್ತದೆ. ಆದಾಗ್ಯೂ, ಕೆಲವು ಸಣ್ಣ ಪ್ರಮಾಣದ ಪ್ರಕರಣಗಳಲ್ಲಿ 10 mmHg ಗಿಂತಲೂ ಹೆಚ್ಚು ವ್ಯತ್ಯಾಸ ಸ್ಥಿರವಾಗಿ ಮುಂದುವರಿದಿರುವುದು ಕಂಡುಬಂದಿದೆ. ಇಂತಹ ಸಂದರ್ಭಗಳಲ್ಲಿ ಹೆಚ್ಚಿನ ತಪಾಸಣೆಯ ಅಗತ್ಯ ಬೀಳಬಹುದು, ಉದಾ. ಪ್ರತಿರೋಧಕ ಅಪಧಮನಿಯ ರೋಗ.<ref>{{cite journal |author=Eguchi K, Yacoub M, Jhalani J, Gerin W, Schwartz JE, Pickering TG |title=Consistency of blood pressure differences between the left and right arms |journal=Arch Intern Med |volume=167 |issue=4 |pages=388–93 |year=2007 |month=February |pmid=17325301 |doi= 10.1001/archinte.167.4.388|url=http://archinte.ama-assn.org/cgi/content/full/167/4/388}}</ref><ref>{{cite journal |author=Agarwal R, Bunaye Z, Bekele DM |title=Prognostic significance of between-arm blood pressure differences |journal=Hypertension |volume=51 |issue=3 |pages=657–62 |year=2008 |month=March |pmid=18212263 |doi=10.1161/HYPERTENSIONAHA.107.104943 |url=}}</ref>

ಅಪಧಮನಿಯ ಒತ್ತಡ 115/75 mmHg ರಿಂದ ಆರಂಭಗೊಂಡು ಏರುತ್ತಾ ಹೋದಲ್ಲಿ ಹೃದಯನಾಳೀಯ ರೋಗದ ಅಪಾಯದ ಸಾಧ್ಯತೆಗಳು ಹೆಚ್ಚುತ್ತಾ ಹೋಗಬಹುದು.<ref>{{cite journal |author=Appel LJ, Brands MW, Daniels SR, Karanja N, Elmer PJ, Sacks FM |title=Dietary approaches to prevent and treat hypertension: a scientific statement from the American Heart Association |journal=Hypertension |volume=47 |issue=2 |pages=296–308 |year=2006 |month=February |pmid=16434724 |doi=10.1161/01.HYP.0000202568.01167.B6 |url=}}</ref> ಈ ಹಿಂದೆ, ಅಧಿಕ ಅಪಧಮನಿಯ ಒತ್ತಡಕ್ಕೆ ಪೂರಕವಾದ ಸೂಚನೆಗಳು ಪ್ರಸ್ತುತವಿದ್ದಲ್ಲಿ ಮಾತ್ರ ಅಧಿಕ ರಕ್ತದೊತ್ತಡ ರೋಗವನ್ನು ನಿರ್ಣಯಿಸಲಾಗುತ್ತಿತ್ತು. [[ಯುನೈಟೆಡ್ ಕಿಂಗ್‌ಡಂ|ಯುಕೆಯಲ್ಲಿ]], ರೋಗಿಗಳ ಅಪಧಮನಿಯ ಒತ್ತಡ 140/90 mmHg ರಷ್ಟಿದ್ದರೂ ಅದು ಸಾಮಾನ್ಯವೆಂದೇ ಪರಿಗಣಿಸಲಾಗುತ್ತಿದೆ.<ref>{{Citation| first= | last=| coauthors=| contribution=Hypertension: management of hypertension in adults in primary care| title=NICE Clinical Guideline 34| editor-first=| editor-last=| coeditors=| publisher=National Institute for Health and Clinical Excellence (NICE)| place=London, England| pages=| date=June 2006| year=| id= | contribution-url=http://www.nice.org.uk/nicemedia/pdf/CG034NICEguideline.pdf| format=| accessdate=2008-09-15 }}</ref>
 
ಅಪಧಮನಿಯ ಒತ್ತಡವನ್ನು ಮೇಲಿನ ಒತ್ತಡ ಪರಿಮಿತಿಗಳಿಂತ ಕೆಳಮಟ್ಟದಲ್ಲಿ ಕಾಪಾಡಿಕೊಂಡು ಬರುವ ಜನರ ಹೃದಯನಾಳೀಯ ಆರೋಗ್ಯ ದೀರ್ಘಕಾಲದಲ್ಲೂ ಸಾಕಷ್ಟು ಉತ್ತಮವಾಗಿರುತ್ತದೆ ಎಂಬುದನ್ನು ಪ್ರಾಯೋಗಿಕ ಪರೀಕ್ಷೆಗಳು ಸಾಬೀತುಪಡಿಸಿವೆ. ಇಂತಹ ಒತ್ತಡವನ್ನು ತಾವಾಗಿ ನಿಯಂತ್ರಿಸಲು ವಿಫಲರಾಗುವ ಮಂದಿ ಈ ಪರಿಮಿತಿಯೊಳಗೆ ಬಳಸುವ ಕಡಿಮೆ ಒತ್ತಡಗಳ ವಿಧಾನಗಳ ಆಕ್ರಮಣಶೀಲತೆ ಮತ್ತು ಸಂಬಂಧಿತ ಮೌಲ್ಯದ ಕುರಿತು ಪ್ರಧಾನ ವೈದ್ಯಕೀಯ ಚರ್ಚೆಗಳು ಕಳವಳ ವ್ಯಕ್ತಪಡಿಸಿವೆ. ಒತ್ತಡದ ಈ ಏರಿಕೆಗಳು ಹೆಚ್ಚಾಗಿ ವಯಸ್ಸಾದವರಲ್ಲಿ ಕಂಡುಬಂದಿದೆಯಾದರೂ, ಇವು ಸಾಮಾನ್ಯ ಸಂಗತಿಯೆಂದೇ ಆಗ್ಗಿಂದಾಗ್ಗೆ ಪರಿಗಣಿಸಲಾಗಿದೆ. ಆದರೆ ಇವು ಹೆಚ್ಚುತ್ತಿರುವ ಅಸ್ವಸ್ಥತೆ ಮತ್ತು ಪ್ರಾಣಹಾನಿಗೆ ಕಾರಣವಾಗಿದೆ.

== ಶರೀರ ವಿಜ್ಞಾನ ==
[[ರಕ್ತಪರಿಚಲನೆಯ ವ್ಯವಸ್ಥೆ|ರಕ್ತಪರಿಚಲನಾ ವ್ಯವಸ್ಥೆ]]ಯ [[ಭೌತವಿಜ್ಞಾನ]] ಬಹಳ ಸಂಕೀರ್ಣವಾಗಿದೆ. ಅನೇಕ ಶಾರೀರಿಕ ಅಂಶಗಳು ಅಪಧಮನಿಯ ಒತ್ತಡದ ಮೇಲೆ ಪ್ರಭಾವ ಬೀರುತ್ತವೆ ಎಂದು ಹೇಳಲಾಗಿದೆ. ಅಂತೆಯೇ ಈ ಪ್ರತಿಯೊಂದು ಅಂಶಗಳು ಆಹಾರ ಕ್ರಮ, ವ್ಯಾಯಾಮ, ರೋಗ, ಔಷಧಿಗಳು ಅಥವಾ ಮಾದಕದ್ರವ್ಯ, ಒತ್ತಡ, [[ಬೊಜ್ಜು]] ಮತ್ತು ಇತ್ಯಾದಿ ದೈಹಿಕ ಅಂಶಗಳ ಪ್ರಭಾವಕ್ಕೆ ಒಳಗಾಗಬಹುದು.

ಕೆಲವು ಶಾರೀರಿಕ ಅಂಶಗಳು:

* ರೇಚಿಸುವ ಗತಿ. ರಕ್ತಪರಿಚಲನಾ ವ್ಯವಸ್ಥೆಯಲ್ಲಿ, ಈ ಪ್ರಮಾಣವನ್ನು ಹೃದಯದ ಗತಿಯೆನ್ನುತ್ತಾರೆ. ಇಲ್ಲಿ ದ್ರವರೂಪದ ರಕ್ತವನ್ನು [[ಹೃದಯ]] ರೇಚಿಸುತ್ತದೆ. ಹೃದಯದಿಂದ ರಕ್ತದ ಹರಿವಿನ ಪ್ರಮಾಣವೇ ಹೃದಯದ ಹುಟ್ಟುವಳಿ. ಇದನ್ನು ಆಘಾತದ ಮೊತ್ತದಿಂದ ಗುಣಿಸಿದಾಗ ಸಿಗುವ ಹೃದಯದ ಗತಿ (ಪ್ರತಿ ಸಂಕೋಚನಕ್ಕೆ ಹೃದಯವು ರೇಚಿಸುವ ರಕ್ತದ ಮೊತ್ತ). ಆಘಾತದ ಮೊತ್ತ ಕಡಿಮೆಯಾಗದು ಎಂದು ಊಹಿಸಿಕೊಂಡ ಸ್ಥಿತಿಯಲ್ಲಿ ಹೃದಯದ ಗತಿ ಏರಿದರೆ, ಅಪಧಮನಿಯ ಒತ್ತಡವೂ ಹೆಚ್ಚಾಗುತ್ತದೆ.
* ದ್ರವದ ಪ್ರಮಾಣ ಅಥವಾ ರಕ್ತದ ಪ್ರಮಾಣವೆಂದರೆ, ಪ್ರಸ್ತುತ ದೇಹದಲ್ಲಿರುವ ರಕ್ತದ ಒಟ್ಟು ಪ್ರಮಾಣ. ದೇಹದಲ್ಲಿ ಹೆಚ್ಚು ರಕ್ತವಿದ್ದಲ್ಲಿ, ಹೆಚ್ಚಿನ ಪ್ರಮಾಣದಲ್ಲಿ ರಕ್ತ ಹೃದಯಕ್ಕೆ ವಾಪಸಾಗಿ ಹೃದಯದ ಹುಟ್ಟುವಳಿ ಪ್ರಕ್ರಿಯೆ ಆರಂಭವಾಗುತ್ತದೆ. ಆಹಾರದ ಜೊತೆಗೆ ಸೇವಿಸುವ [[ಉಪ್ಪು (ಖಾದ್ಯ)|ಉಪ್ಪು]] ಮತ್ತು ಹೆಚ್ಚಿದ ರಕ್ತದ ಪ್ರಮಾಣದ ನಡುವೆ ಕೆಲವು ಸಂಬಂಧಗಳಿದ್ದು, ಇದರಿಂದಾಗಿ ಅಧಿಕ ಅಪಧಮನಿಯ ಒತ್ತಡವುಂಟಾಗುತ್ತದೆ. ಇದು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾದರೂ, ಸ್ವ-ನಿಯಂತ್ರಿತ [[ನರ|ನರಗಳ]] ವ್ಯವಸ್ಥೆಯ ಪ್ರತಿಕ್ರಿಯೆ ಮತ್ತು ಹೆಚ್ಚಾಗಿ ರೆನಿನ್-ಆಂಜಿಯೋಟೆನ್ಸಿನ್ ವ್ಯವಸ್ಥೆಯನ್ನು ಅವಲಂಬಿಸಿದೆ.
* ಪ್ರತಿರೋಧ. ರಕ್ತ ಪರಿಚಲನಾ ವ್ಯವಸ್ಥೆಯಲ್ಲಿ ಇದು ರಕ್ತನಾಳಗಳ ಪ್ರತಿರೋಧ. ಪ್ರತಿರೋಧವು ಹೆಚ್ಚಾದಷ್ಟು, ರಕ್ತದ ಹರಿವಿನ ಪ್ರವಾಹಕ್ಕೆ ಪ್ರತಿರೋಧವಾಗಿ ಬರುವ ಅಪಧಮನಿಯ ಒತ್ತಡವೂ ಹೆಚ್ಚಾಗುತ್ತದೆ. ರಕ್ತನಾಳದ ಪ್ರತಿರೋಧ ಶಕ್ತಿಯು ತ್ರಿಜ್ಯ (ತ್ರಿಜ್ಯ ‌ದೊಡ್ಡದಿದ್ದಲ್ಲಿ, ಪ್ರತಿರೋಧ ಶಕ್ತಿ ಕಡಿಮೆಯಿರುತ್ತದೆ), ರಕ್ತನಾಳದ ಉದ್ದ (ರಕ್ತನಾಳ ಉದ್ದವಿದ್ದಲ್ಲಿ ಹೆಚ್ಚು ಪ್ರತಿರೋಧ ಶಕ್ತಿಯಿರುತ್ತದೆ), ಮತ್ತು ರಕ್ತನಾಳದ ಗೋಡೆಗಳ ನುಣುಪಾಗಿರುವಿಕೆಗೆ ಸಂಬಂಧಿಸಿದೆ. ಅಪಧಮನಿಯ ಗೋಡೆಗಳಲ್ಲಿ [[ಕೊಬ್ಬು|ಕೊಬ್ಬಿನಾಂಶಗಳು]] ತುಂಬುವುದರಿಂದ ನುಣುಪು ಕಡಿಮೆಯಾಗುತ್ತದೆ. ನಾಳಸಂಪೀಡಕ ಎಂಬ ವಸ್ತು ರಕ್ತನಾಳಗಳ ಗಾತ್ರವನ್ನು ಕಿರಿದಾಗಿಸುವುದರಿಂದಾಗಿ, ರಕ್ತದೊತ್ತಡ ಹೆಚ್ಚುತ್ತದೆ. ನಾಳವಿಸ್ತಾರಕಗಳು (ನೈಟ್ರೋಗ್ಲಿಸರಿನ್‍ನಂತಹ) ರಕ್ತನಾಳಗಳ ಗಾತ್ರವನ್ನು ಹೆಚ್ಚಿಸಿ, ಅಪಧಮನಿಯ ಒತ್ತಡವನ್ನು ಇಳಿಸುತ್ತವೆ. ಪ್ರತಿರೋಧಕ, ಮತ್ತು ಗಾತ್ರೀಯ ಹರಿವಿನ ಪ್ರಮಾಣ (Q) ದ ಜೊತೆಗಿನ ಸಂಬಂಧ ಮತ್ತು ರಕ್ತನಾಳದ ಎರಡು ತುದಿಗಳ ಒತ್ತಡದಲ್ಲಿನ ವ್ಯತ್ಯಾಸಗಳನ್ನು ಪೊಯ್‌ಸ್ಯುಲ್ಲೇಸ್‌ನ ನಿಯಮವು ವಿವರಿಸುತ್ತದೆ. 
* ದ್ರವದ [[ಸ್ನಿಗ್ಧತೆ|ಜಿಗುಟು]] ಗುಣ ಅಥವಾ ದಪ್ಪ. ರಕ್ತ ದಪ್ಪವಾದಲ್ಲಿ, ಅಪಧಮನಿಯ ಒತ್ತಡ ಹೆಚ್ಚುತ್ತದೆ. ಕೆಲವು ವೈದ್ಯಕೀಯ ಪರಿಸ್ಥಿತಿಗಳು ರಕ್ತದ ಸ್ನಿಗ್ಧ ಗುಣವನ್ನು ಹೋಗಲಾಡಿಸಬಲ್ಲವು. ಉದಾಹರಣೆಗೆ, [[ಕೆಂಪು ರಕ್ತ ಕಣ]]ಗಳು ಕಡಿಮೆಯಿದ್ದಲ್ಲಿ, [[ರಕ್ತಹೀನತೆ|ಅನಿಮಿಯಾ]], ಜಿಗುಟು ಗುಣವೂ ಕಡಿಮೆಯಿರುತ್ತದೆ. ಅಂತೆಯೇ ಹೆಚ್ಚು ಕೆಂಪು ರಕ್ತ ಕಣಗಳಿದ್ದಲ್ಲಿ ಸ್ನಿಗ್ಧತೆಯೂ ಹೆಚ್ಚಿರುತ್ತದೆ. [[ರಕ್ತದಲ್ಲಿನ ಸಕ್ಕರೆ]] ಪ್ರಮಾಣ ಹೆಚ್ಚುವುದರಿಂದ ಕೂಡ ರಕ್ತ ದಪ್ಪವಾಗುತ್ತದೆ- [[ಸಕ್ಕರೆ]] ದ್ರಾವಣವನ್ನು ರೇಚಿಸುವುದನ್ನು ಊಹಿಸಿಕೊಳ್ಳಿ. [[ಆಸ್ಪಿರಿನ್‌|ಆಸ್ಪಿರಿನ್]] ಮತ್ತು ರಕ್ತ ತೆಳ್ಳಗೆ ಮಾಡುವ [[ಔಷಧ|ಔಷಧಿಗಳು]] ರಕ್ತದ ಜಿಗುಟು ಗುಣವನ್ನು ಕಡಿಮೆ ಮಾಡುತ್ತವೆ ಎಂಬ ಅಭಿಪ್ರಾಯ ಈವರೆಗಿತ್ತು. ಆದರೆ ಈ ಔಷಧಿಗಳು ರಕ್ತವು ಹೆಪ್ಪುಗಟ್ಟುವ ಪ್ರವೃತ್ತಿಯನ್ನು ಕಡಿಮೆ ಮಾಡುತ್ತವೆ ಎಂಬುದು ಅಧ್ಯಯನದ <ref>{{cite journal |author=Rosenson RS, Wolff D, Green D, Boss AH, Kensey KR |title=Aspirin. Aspirin does not alter native blood viscosity |journal=J. Thromb. Haemost. |volume=2 |issue=2 |pages=340–1 |year=2004 |month=February |pmid=14996003 |doi= |url=}}</ref> ವೇಳೆ ಕಂಡು ಬಂದಿದೆ.

ಸಾಮಾನ್ಯವಾಗಿ, ಪ್ರತಿಯೊಬ್ಬ ವ್ಯಕ್ತಿಯ ಸ್ವ-ನಿಯಂತ್ರಿತ ನರಮಂಡಲವು ಈ ಎಲ್ಲಾ ಪಾರಸ್ಪರಿಕ ಅಂಶಗಳಿಗೆ ಪ್ರತಿಕ್ರಿಯಿಸುತ್ತದೆ ಮತ್ತು ನಿಯಂತ್ರಿಸುತ್ತದೆ, ಹೀಗಿರುವಾಗ ಮೇಲಿನ ವಿಷಯಗಳು ಪ್ರಮುಖವಿದ್ದಾಗ್ಯೂ, ವ್ಯಕ್ತಿಯ ಅಪಧಮನಿಯ ನೈಜ ಒತ್ತಡದ ಪ್ರತಿಕ್ರಿಯೆಯಲ್ಲಿ ವ್ಯಾಪಕವಾಗಿ ವ್ಯತ್ಯಾಸಗಳಾಗುತ್ತವೆ, ಏಕೆಂದರೆ [[ನರಮಂಡಲ]] ಮತ್ತು [[ಅಂಗ (ಜೀವಶಾಸ್ತ್ರ)|ಅಂಗಗಳ]] ಕೊನೆಯ ಕ್ಷಣಾರ್ಧ ಮತ್ತು ನಿಧಾನ ಗತಿಯ ಪ್ರತಿಕ್ರಿಯೆಗಳು ಇದಕ್ಕೆ ಕಾರಣ. ಕ್ರಿಯೆಗಳು ಮತ್ತು ರಕ್ತದೊತ್ತಡದಲ್ಲಿ ಕ್ಷಣದಿಂದ ಕ್ಷಣಕ್ಕೆ ಬದಲಾವಣೆ ತರಲು ಈ ಪ್ರತಿಕ್ರಿಯೆಗಳು ಬಹಳ ಪರಿಣಾಮಕಾರಿಯಾಗಿವೆ.

=== ಸರಾಸರಿ ಅಪಧಮನಿಯ ಒತ್ತಡ ===
ಸಂಪೂರ್ಣ ಹೃದಯದ ಆವರ್ತನದ ಸರಾಸರಿಯನ್ನು ಸರಾಸರಿ ಅಪಧಮನಿಯ ಒತ್ತಡ (MAP) ವೆನ್ನುತ್ತಾರೆ ಮತ್ತು ಇದನ್ನು ಹೃದಯದ ಹುಟ್ಟುವಳಿ (CO), ದೇಹದ ನಾಳೀಯ ಪ್ರತಿರೋಧ (SVR) ಮತ್ತು ಕೇಂದ್ರ ಅಭಿಧಮನಿಯ ಒತ್ತಡ (CVP) ನಿರ್ಧರಿಸುತ್ತದೆ.<ref name="KlabundeMAP2007">{{cite web|url=http://www.cvphysiology.com/Blood%20Pressure/BP006.htm |title=Cardiovascular Physiology Concepts - Mean Arterial Pressure |accessdate=2008-09-29 |last=Klabunde |first=Richard E. |year=2007 }}</ref><math>\! MAP = (CO \cdot SVR) + CVP. </math>

ಸಂಕೋಚನದ ಒತ್ತಡದ ಮಾಪನಗಳ ಮೂಲಕ MAP ಯನ್ನು ಅಂದಾಜು ಮಾಡಬಹುದು. <math>P_{sys}</math> ಮತ್ತು ವ್ಯಾಕೋಚನದ ಒತ್ತಡ <math>P_{dias}</math> ಮೂಲಕವೂ ಇದು ಸಾಧ್ಯ. <math>P_{dias}</math> ಇದಕ್ಕೆ ಹೃದಯ ಬಡಿತದ ಪ್ರಮಾಣ ಸಾಮಾನ್ಯ ಸ್ಥಿತಿಯಲ್ಲಿರಬೇಕು,<ref name="KlabundeMAP2007" /><math>\! MAP \approxeq P_{dias} + \frac{1}{3} (P_{sys} - P_{dias}).</math>

=== ನಾಡಿಯ ಒತ್ತಡ ===
ಹೃದಯದ ಹುಟ್ಟುವಳಿಯ ಮಿಡಿತದ ಸ್ವಭಾವದಿಂದಾಗಿ ಅಪಧಮನಿಯ ಒತ್ತಡದಲ್ಲಿ ಏರಿಳಿತಗಳಾಗುತ್ತವೆ, ಅಂದರೆ ಹೃದಯದ ಬಡಿತ. ನಾಡಿಯ ಒತ್ತಡವನ್ನು ಹೃದಯದ ಆಘಾತ ಘನಗಾತ್ರ, ಮಹಾಪಧಮನಿಯ ಅನುಸರಣೆ (ವಿಸ್ತರಣಾ ಸಾಮಾರ್ಥ್ಯ), ಮತ್ತು ಅಪಧಮನಿಯ ವೃಕ್ಷದಲ್ಲಿ ಹರಿವಿನ ಪ್ರತಿರೋಧ ಇವುಗಳು ನಿರ್ಧರಿಸುತ್ತವೆ. ಮಹಾಪಧಮನಿಯು ಒತ್ತಡಕ್ಕೆ ಒಳಗಾಗಿ ವಿಸ್ತರಣೆಯಾಗುವುದರಿಂದ, ಹೃದಯ ಬಡಿತದ ವೇಳೆ ಹೃದಯದಿಂದ ಹೊರಡುವ ರಕ್ತದ ವೇಗವನ್ನು ಅರಗಿಸಿಕೊಳ್ಳುವಲ್ಲಿ ಸಫಲವಾಗುತ್ತದೆ. ಒಂದು ವೇಳೆ ಮಹಾಪಧಮನಿ ಆಜ್ಞಾನುವರ್ತಿಯಾಗಿರದೇ ಇರುತ್ತಿದ್ದಲ್ಲಿ, ನಾಡಿಯ ಒತ್ತಡ ಹೇಗಿರಬೇಕಾಗಿತ್ತೋ ಹಾಗಿರುವ ಬದಲು ಈ ರೀತಿಯಲ್ಲಿ ಇಳಿಯುತ್ತದೆ.<ref name="KlabundePulse2007">{{cite web|url=http://www.cvphysiology.com/Blood%20Pressure/BP003.htm |title=Cardiovascular Physiology Concepts - Pulse Pressure |accessdate=2008-10-02 |last=Klabunde |first=Richard E. |year=2007 }}</ref>

ಸಂಕೋಚನದ ಮತ್ತು ವ್ಯಾಕೋಚನದ ಒತ್ತಡಗಳ ಮಾಪನಗಳಲ್ಲಿನ ವ್ಯತ್ಯಾಸಗಳನ್ನು ಬಳಸಿ ನಾಡಿಯ ಒತ್ತಡವನ್ನು ಸರಳವಾಗಿ ಲೆಕ್ಕ ಹಾಕಬಹುದು,<ref name="KlabundePulse2007" />

<math>\! P_{pulse} = P_{sys} - P_{dias}.</math>

=== ನಾಳೀಯ ಪ್ರತಿರೋಧ ===
[[ಭೂತಗನ್ನಡಿ|ಭೂತ ಕನ್ನಡಿಯ]] ಸಹಾಯವಿಲ್ಲದೆ ನೋಡಬಹುದಾದ ದೊಡ್ಡ ಅಪಧಮನಿಗಳು, ಹೆಚ್ಚು ಹರಿವಿನ ಪ್ರಮಾಣ ಹೊಂದಿರುವ ಕಡಿಮೆ ಪ್ರತಿರೋಧದ ಕೊಳವೆಗಳಾಗಿವೆ (ಅಪಧಮನಿಯಲ್ಲಿ ಹೊಸತಾಗಿ ಯಾವುದೇ ಬದಲಾವಣೆಗಳಾಗಿಲ್ಲ ಎಂದು ಊಹಿಸಿಕೊಂಡು). ಅವು ಒತ್ತಡದಲ್ಲಿ ಸಣ್ಣ ಹನಿಯನ್ನಷ್ಟೇ ಸೃಜಿಸುತ್ತವೆ.

=== ನಾಳೀಯ ಒತ್ತಡ ತರಂಗ ===
ನಾಳೀಯ ಒತ್ತಡ ತರಂಗ (VPW) ಎಂಬ ಪರಿಕಲ್ಪನೆಯನ್ನು ಆಧುನಿಕ [[ಶರೀರಶಾಸ್ತ್ರ|ಶರೀರ ವಿಜ್ಞಾನ]] ಅಭಿವೃದ್ಧಿಪಡಿಸಿತು. ಸಂಕೋಚನದ ವೇಳೆ ತರಂಗವನ್ನು ಹೃದಯ ಸೃಷ್ಟಿಸುತ್ತದೆ ಮತ್ತು ಇದು ಆರೋಹಕ ಮಹಾಪಧಮನಿಯಲ್ಲಿ ಹುಟ್ಟುತ್ತದೆ. ಇದು ರಕ್ತದ ಹರಿವಿಗಿಂತಲೂ ವೇಗವಾಗಿ ರಕ್ತನಾಳದ ಗೋಡೆಗಳ ಮೂಲಕ ಬಾಹ್ಯದ [[ಅಪಧಮನಿ]]ಗಳಿಗೆ ರವಾನೆಯಾಗುತ್ತದೆ. ಆದ್ದರಿಂದ ಬಾಹ್ಯದ [[ನಾಡಿ]] ಮಿಡಿತ ಪರೀಕ್ಷಿಸಿದಂತೆ ಒತ್ತಡ ತರಂಗವನ್ನೂ ಸ್ಪರ್ಶ ಪರೀಕ್ಷೆಯಿಂದ ತಿಳಿಯಬಹುದು. ಬಾಹ್ಯ ಅಭಿಧಮನಿಗಳಲ್ಲಿ ಈ ತರಂಗ ಪ್ರತಿಫಲಿಸುತ್ತಿದ್ದಂತೆ ಕೇಂದ್ರಗಾಮಿಯಾಗಿ ಸಾಗುತ್ತದೆ. ಅಲ್ಲಿ ಪ್ರತಿಫಲನಗಳ ಪ್ರಧಾನ ಅಂಶಗಳು ಮತ್ತು ಮೂಲ ತರಂಗ ಸಂಧಿಸುತ್ತದೆ. ರಕ್ತನಾಳದ ಒಳಗಿನ ಒತ್ತಡ ಮಹಾಪಧಮನಿಯ ನೈಜ ಒತ್ತಡಕ್ಕಿಂತ ಹೆಚ್ಚಿರುತ್ತದೆ. ಕಾಲುಗಳ ಬಾಹ್ಯ ಅಪಧಮನಿಗಳ ಒಳಗೆ ಅಪಧಮನಿಯ ಒತ್ತಡವೇಕಿರುತ್ತದೆ ಮತ್ತು ಮಹಾಪಧಮನಿಯಲ್ಲಿ ಬಾಹುಗಳ ಅಪಧಮನಿಯ ಒತ್ತಡಕ್ಕಿಂತ ಹೆಚ್ಚು,<ref>{{cite journal | author =Messerli FH, Williams B, Ritz E | title = Essential hypertension | journal = Lancet | volume = 370 | issue = 9587 | pages = 591–603| year = 2007 |pmid=17707755| doi = 10.1016/S0140-6736(07)61299-9 }}</ref><ref>{{cite journal | author =O'Rourke M | title = Mechanical principles in arterial disease | journal = Hypertension | volume = 26 | issue = 1 | pages = 2–9| year = 1995 | pmid = 7607724 |url=http://hyper.ahajournals.org/cgi/content/full/26/1/2 | month =Jul | day =01}}</ref><ref>{{cite journal | author = Mitchell GF | title = Triangulating the peaks of arterial pressure | journal = Hypertension | volume = 48 | issue = 4 | pages = 543–5| year = 2006 | pmid = 16940226  | doi = 10.1161/01.HYP.0000238325.41764.41 |url=http://hyper.ahajournals.org/cgi/content/full/48/4/543}}</ref> ಮತ್ತು ಪ್ರತಿಯಾಗಿ ಹಿಮ್ಮಡಿಯಲ್ಲಿ ಕಂಡ ಅಧಿಕ ಒತ್ತಡಗಳನ್ನು ಸಾಮಾನ್ಯ ಹಿಮ್ಮಡಿ ತೋಳಿನ ಒತ್ತಡ ಸೂಚಿಯ ಮೌಲ್ಯಗಳನ್ನು ಹೊಂದಿದ ತೋಳಿನ ಜೊತೆ ಹೋಲಿಸುವುದೇಕೆ ಎಂಬುದನ್ನು ಈ ಪರಿಕಲ್ಪನೆ ವಿವರಿಸುತ್ತದೆ.

=== ನಿಯಂತ್ರಣ ===
ಅಪಧಮನಿಯ ಒತ್ತಡದ ಅಂತರ್ವರ್ಧಕ ನಿಯಂತ್ರಣವನ್ನು ಇನ್ನೂ ಸಂಪೂರ್ಣವಾಗಿ ಅರ್ಥ ಮಾಡಿಕೊಳ್ಳಲಾಗಿಲ್ಲ. ಪ್ರಸ್ತುತ, ಅಪಧಮನಿಯ ಒತ್ತಡವನ್ನು ನಿಯಂತ್ರಿಸುವ ಮೂರು ವಿಧಾನಗಳನ್ನು ಮಾತ್ರ ಸ್ಪಷ್ಟವಾಗಿ ನಿರೂಪಿಸಲಾಗಿದೆ.

* ಬ್ಯಾರೊರ್ ‌ಸೆಪ್ಟರ್ ಪ್ರತಿವರ್ತನ: ಬ್ಯಾರೊರ್ ‌ಸೆಪ್ಟರ್‌ಗಳು ಅಪಧಮನಿಯ ಒತ್ತಡದಲ್ಲಾಗುವ ಬದಲಾವಣೆಗಳನ್ನು ಪತ್ತೆ ಹಚ್ಚುತ್ತವೆ ಮತ್ತು ಅಂತಿಮವಾಗಿ ಮೆದುಳಿನ ಕಾಂಡದ ಮೆಡುಲಾಕ್ಕೆ ಸಂಕೇತಗಳನ್ನು ಕಳುಹಿಸುತ್ತವೆ. ಮೆಡುಲಾ, ಸ್ವ-ನಿಯಂತ್ರಿತ ನರಮಂಡಲದಂತೆ ಹೃದಯದ ಸಂಕೋಚನ ಮತ್ತು ವೇಗವನ್ನು ಬದಲಾಯಿಸಿಕೊಂಡು ಸರಾಸರಿ ಅಪಧಮನಿಯ ಒತ್ತಡವನ್ನು ಹೊಂದಿಸುತ್ತದೆ. ಅಲ್ಲದೆ ಒಟ್ಟು ಬಾಹ್ಯ ಪ್ರತಿರೋಧವನ್ನೂ ಸರಿದೂಗಿಸುತ್ತದೆ. ಅಪಧಮನಿಯ ಅತ್ಯಂತ ಪ್ರಮುಖ ಬ್ಯಾರೊರ್ ‌ಸೆಪ್ಟರ್‌ಗಳು ಶೀರ್ಷಧಮನಿಯ ಸೈನಸ್‍ನ ಎಡ ಮತ್ತು ಬಲ ಹಾಗೂ ಮಹಾಪಧಮನಿಯ ಛಾವಣಿಯಲ್ಲಿವೆ.<ref name="Klabunde">{{cite web|url=http://www.cvphysiology.com/Blood%20Pressure/BP012.htm |title=Cardiovascular Physiology Concepts - Arterial Baroreceptors |accessdate=2008-09-09 |last=Klabunde |first=Richard E. |year=2007 }}</ref>
* ರೆನಿನ್-ಆಂಜಿಯೋಟೆನ್ಸಿನ್ ವ್ಯವಸ್ಥೆ (RAS): ಅಪಧಮನಿಯ ಒತ್ತಡವನ್ನು ದೀರ್ಘಾವಧಿಯಲ್ಲಿ ಹೊಂದಿಸಿಕೊಡುವುದಕ್ಕೆ ಈ ವ್ಯವಸ್ಥೆ ಹೆಸರಾಗಿದೆ. ರಕ್ತದ ಪ್ರಮಾಣ ನಷ್ಟವಾದಲ್ಲಿ ಸರಿದೂಗಿಸಿಕೊಡಲು [[ಕಿಡ್ನಿ]]ಗೆ ಈ ವ್ಯವಸ್ಥೆ ಅನುವು ಮಾಡಿಕೊಡುತ್ತದೆ ಅಥವಾ ಆಂಜಿಯೋಟೆನ್ಸಿನ್ ಎಂಬ ಅಂತರ್ವರ್ಧಕವು ನಾಳಸಂಪೀಡಕವನ್ನು ಚಾಲನೆಗೊಳಿಸುವ ಮೂಲಕ ಅಪಧಮನಿಯ ಒತ್ತಡವನ್ನು ಇಳಿಸಲು ನೆರವು ನೀಡುತ್ತದೆ.
* ಆಲ್ಡೊಸ್ಟಿರಾನ್ ಬಿಡುಗಡೆ: ಆಂಜಿಯೋಟೆನ್ಸಿನ್ II ಅಥವಾ ಅಧಿಕ ಸೀರಂ [[ಪೊಟ್ಯಾಶಿಯಮ್|ಪೊಟ್ಯಾಸಿಯಂ]] ಮಟ್ಟಗಳಿಗೆ ಪ್ರತಿಕ್ರಿಯೆಯಾಗಿ ಅಡ್ರೀನಲ್ ಕಾರ್ಟೆಕ್ಸ್‌ನಿಂದ ಈ ಸ್ಟಿರಾಯ್ಡ್ ‌[[ಹಾರ್ಮೋನ್|ಹಾರ್ಮೋನುಗಳು]] ಬಿಡುಗಡೆಯಾಗುತ್ತವೆ. ಕಿಡ್ನಿಗಳು ವಿಸರ್ಜಿಸಿದ [[ಸೋಡಿಯಂ]] ಮತ್ತು ಪೊಟಾಸ್ಸಿಯಂ ಅನ್ನು ಹಿಡಿದಿಟ್ಟುಕೊಂಡು ಆಲ್ಡೊಸ್ಟಿರಾನ್ ಪ್ರಚೋದಿಸುತ್ತದೆ. ಸೋಡಿಯಂ ಪ್ರಧಾನ [[ಅಯಾನು]] ಆಗಿರುವುದರಿಂದ, ಅದು ಪರಾಸರಣದ ರಕ್ತನಾಳಗಳಲ್ಲಿನ ದ್ರವದ ಪ್ರಮಾಣವನ್ನು ನಿರ್ಧರಿಸುತ್ತದೆ, ಆಲ್ಡೊಸ್ಟಿರಾನ್ ದ್ರವದ ಧಾರಣ ಶಕ್ತಿಯನ್ನು ಮತ್ತು ಅಪರೋಕ್ಷವಾಗಿ ಅಪಧಮನಿಯ ಒತ್ತಡವನ್ನು ಹೆಚ್ಚಿಸುತ್ತದೆ.

RAS ಮತ್ತು ಆಲ್ಡೊಸ್ಟಿರಾನ್ ಬಿಡುಗಡೆ ನಡುವಿನ ಕೊಂಡಿ ಸೂಚಿಸಿರುವಂತೆ, ಮೇಲಿನ ವಿವಿಧ ವಿಧಾನಗಳು ಪರಸ್ಪರ ಸ್ವತಂತ್ರವಾಗಿರಬೇಕೆಂಬ ಅವಶ್ಯಕತೆಯೇನಿಲ್ಲ. ಪ್ರಸ್ತುತ, RAS ವ್ಯವಸ್ಥೆಯನ್ನು ವಿಜ್ಞಾನರೀತ್ಯ ACE ಪ್ರತಿರೋಧಕಗಳು ಮತ್ತು ಆಂಜಿಯೋಟೆನ್ಸಿನ್ II ಪ್ರತಿವರ್ತಿ ಸ್ನಾಯು ಗ್ರಾಹಿ‌ಗಳು ಗುರಿ ಮಾಡಿಕೊಂಡಿವೆ. ಆಲ್ಡೊಸ್ಟಿರಾನ್ ಪ್ರತಿವರ್ತಿ ಸ್ನಾಯು ಆಗಿರುವ ಸ್ಪಿರನೊಲಾಕ್ಟೋನ್ ಆಲ್ಡೊಸ್ಟಿರಾನ್ ವ್ಯವಸ್ಥೆಯನ್ನು ನೇರವಾಗಿ ಗುರಿ ಮಾಡಿಕೊಂಡಿದೆ. ಮೂತ್ರವರ್ಧಕಗಳು ದ್ರವ ಧಾರಣಶಕ್ತಿಯನ್ನು ಗುರಿಯಾಗಿಸಬಹುದು; ಮೂತ್ರವರ್ಧಕಗಳು ರಕ್ತದ ಪ್ರಮಾಣದ ಮೇಲೆ ಪರಿಣಾಮ ಬೀರುವುದರಿಂದ ಮೂತ್ರ ವಿಸರ್ಜನೆಯ ಉದ್ವೇಗವುಂಟಾಗುತ್ತದೆ. ಸಾಮಾನ್ಯವಾಗಿ, ಅಧಿಕ ರಕ್ತದೊತ್ತಡದಲ್ಲಿ ಬ್ಯಾರೊರ್‌ಸೆಪ್ಟರ್‌ ಪ್ರತಿವರ್ತನ ಗುರಿಯಾಗಿಲ್ಲ, ಏಕೆಂದರೆ ಒಂದು ವೇಳೆ ರಕ್ತದೊತ್ತಡವನ್ನು ನಿರ್ಬಂಧಿಸಿದಲ್ಲಿ, ವ್ಯಕ್ತಿಗಳು ನೇರಭಂಗಿಯ ತೀರಾ ಕಡಿಮೆ ರಕ್ತದೊತ್ತಡಕ್ಕೆ ಒಳಗಾಗಬಹುದು ಮತ್ತು [[ಪ್ರಜ್ಞಾಶೂನ್ಯತೆ|ಪ್ರಜ್ಞಾಶೂನ್ಯರಾಗಬಹುದು]].

== ರೋಗ-ಶರೀರ ವಿಜ್ಞಾನ ==

=== ಅತಿ ಅಪಧಮನಿಯ ಒತ್ತಡ ===
[[ಚಿತ್ರ:Main complications of persistent high blood pressure.svg|thumb|right|200px|ಮರುಕಳಿಸುವ ಅತಿ ರಕ್ತದೊತ್ತಡದ ತೊಡಕುಗಳ ಮೇಲ್ನೋಟ]]

ಅಪಧಮನಿಯ ಅಧಿಕ ರಕ್ತದೊತ್ತಡವು ಇತರ ಸಮಸ್ಯೆಗಳ ಸೂಚನೆಯಾಗಿರಬಹುದು ಮತ್ತು ದೀರ್ಘಕಾಲದಲ್ಲಿ ಪ್ರತಿಕೂಲ ಪರಿಣಾಮವನ್ನು ಬೀರಬಹುದು. ಕೆಲವೊಮ್ಮೆ ಅದು ತೀವ್ರ ಸಮಸ್ಯೆಯಾಗಿರಬಹುದು, ಉದಾಹರಣೆಗೆ ಅಧಿಕ ಒತ್ತಡದ ತುರ್ತುಪರಿಸ್ಥಿತಿ.

ಅಪಧಮನಿಯ ಒತ್ತಡದ ಎಲ್ಲ ಮಟ್ಟಗಳು ಅಪಧಮನಿಯ ಗೋಡೆಗಳ ಮೇಲೆ ಯಾಂತ್ರಿಕ ಒತ್ತಡ ಹಾಕುತ್ತವೆ. ಅಧಿಕ ಒತ್ತಡಗಳು ಹೃದಯದ ಕೆಲಸವನ್ನು ಹೆಚ್ಚಿಸುತ್ತವೆ ಮತ್ತು ಅಪಧಮನಿಯ ಗೋಡೆಗಳೊಳಗೆ ಧಮನಿ ಪೆಡಸಣೆ ಎಂಬ ಅನಾರೋಗ್ಯಕರ ಅಂಗಾಂಶ ಹುಟ್ಟಿಕೊಂಡು ಬೆಳವಣಿಗೆಯಾಗುತ್ತಾ ಸಾಗುತ್ತದೆ. ಪ್ರಸಕ್ತವಿರುವ ಹೆಚ್ಚಿನ ಒತ್ತಡದಿಂದಾಗಿ ಅಧಿಕ ಒತ್ತಡವುಂಟಾಗುತ್ತದೆ ಮತ್ತು ಇದರಿಂದಾಗಿ ಧಮನಿ ಪೆಡಸಣೆಗಳು ಹೆಚ್ಚುತ್ತವೆ ಮತ್ತು ಹೃದಯದ [[ಸ್ನಾಯು]] ದಪ್ಪವಾಗುತ್ತದೆ, ದೊಡ್ಡದಾಗುತ್ತದೆ ಮತ್ತು ಕಾಲಾನಂತರ ಬಲಹೀನವಾಗುತ್ತದೆ.

ಪದೇ ಪದೇ ಮರುಕಳಿಸುವ ಅಧಿಕ ರಕ್ತದೊತ್ತಡವು ಅಪಾಯಕಾರಿಯಾಗಿದ್ದು ಆಘಾತಗಳು, [[ಹೃದಯಾಘಾತ|ಹೃದಯ ಸ್ತಂಭನ]], ಹೃದಯ ವೈಫಲ್ಯ ಮತ್ತು ಅಪಧಮನಿಯ ನಾಳವ್ಯಾಕೋಚಗಳಿಗೆ ಕಾರಣವಾಗಬಹುದು, ಅಲ್ಲದೆ ಮತ್ತು ದೀರ್ಘಕಾಲದ ಮೂತ್ರಪಿಂಡ ವೈಫಲ್ಯಕ್ಕೆ ಇದು ಪ್ರಮುಖ ಕಾರಣವಾಗಬಹುದು. ಅಪಧಮನಿಯ ಒತ್ತಡದಲ್ಲಿನ ಮಧ್ಯಮ ಏರಿಕೆಯಿಂದ ಕೂಡ ಆಯುರ್ನಿರೀಕ್ಷೆ ಕುಂಠಿತಗೊಳ್ಳುತ್ತದೆ. ತೀವ್ರ ಅತಿ ಒತ್ತಡಗಳಲ್ಲಿ, ಅಂದರೆ ಅಪಧಮನಿಯ ಒತ್ತಡ 50% ಅಥವಾ ಸರಾಸರಿಗಿಂತ ಹೆಚ್ಚಿದ್ದಾಗ, ಸೂಕ್ತ ಚಿಕಿತ್ಸೆ ಪಡೆಯದಿದ್ದಲ್ಲಿ ಒಬ್ಬ ವ್ಯಕ್ತಿಯು ಹೆಚ್ಚು ವರ್ಷಗಳ ಕಾಲ ಬದುಕುವುದು ಕಷ್ಟ ಸಾಧ್ಯವಾದೀತು.<ref>Textbook of Medical Physiology, 7th Ed., Guyton & Hall, Elsevier-Saunders, ISBN 0-7216-0240-1, page 220.</ref>

ಈ ಹಿಂದೆ, ವ್ಯಾಕೋಚನದ ಒತ್ತಡಕ್ಕೆ ಹೆಚ್ಚು ಗಮನ ಕೇಂದ್ರೀಕರಿಸಲಾಗಿತ್ತು; ಆದರೆ ಅತಿ ಸಂಕೋಚನ ಒತ್ತಡ ಮತ್ತು ಅತಿ ನಾಡಿ ಒತ್ತಡ (ಸಂಕೋಚನದ ಮತ್ತು ವ್ಯಾಕೋಚನದ ಒತ್ತಡದ ನಡುವಿನ ಅಂಕಿ ವ್ಯತ್ಯಾಸ) ಎರಡೂ ಅಪಾಯಕಾರಿ ಎಂಬುದನ್ನು ಈಗ ಗುರುತಿಸಲಾಗಿದೆ. ಕೆಲವು ಪ್ರಕರಣಗಳಲ್ಲಿ, ಅತಿ ವ್ಯಾಕೋಚನದ ಒತ್ತಡದ ಇಳಿಕೆ ಕೂಡ ಅಪಾಯಕಾರಿ ಎಂಬುದು ಮೇಲ್ನೋಟಕ್ಕೆ ಸಾಬೀತಾಗಿದೆ, ಸಂಕೋಚನದ ಮತ್ತು ವ್ಯಾಕೋಚನದ ಒತ್ತಡಗಳ ವ್ಯತ್ಯಾಸಗಳು ಇದಕ್ಕೆ ಪ್ರಾಯಶಃ ಕಾರಣವಾಗಿರಬಹುದು.

=== ಕಡಿಮೆ ಅಪಧಮನಿಯ ಒತ್ತಡ ===
ರಕ್ತದೊತ್ತಡ ತೀರಾ ಕಡಿಮೆಯಿರುವುದನ್ನು ತೀರಾ ಕಡಿಮೆ ರಕ್ತದೊತ್ತಡವೆನ್ನುತ್ತಾರೆ. ತಲೆತಿರುಗುವಿಕೆ, ಪ್ರಜ್ಞೆ ತಪ್ಪುವುದು ಅಥವಾ ತೀವ್ರ ಪ್ರಕರಣಗಳಾದ ಆಘಾತ ಇತ್ಯಾದಿಗಳ ಸೂಚನೆ ಅಥವಾ ಚಿಹ್ನೆ ಕಂಡುಬಂದಲ್ಲಿ ತೀರಾ ಕಡಿಮೆ ರಕ್ತದೊತ್ತಡದ ಬಗ್ಗೆ ವೈದ್ಯಕೀಯ ತಪಾಸಣೆ ಅವಶ್ಯವಾಗಬಹುದು.<ref name="NHLBI2008" />

ಅಪಧಮನಿಯ ಒತ್ತಡ ಮತ್ತು ರಕ್ತದ ಹರಿವು ಒಂದು ನಿರ್ದಿಷ್ಟ ಹಂತದಿಂದ ಕೆಳಗಿಳಿದಾಗ, ಮೆದುಳಿನ ಸೇಚನೆ ಗಂಭೀರವಾಗಿ ಇಳಿಯುತ್ತದೆ (ಅಂದರೆ, ರಕ್ತದ ಪೂರೈಕೆ ಸಾಕಷ್ಟಿಲ್ಲದಾಗ), ಮತ್ತು ತಲೆಭಾರವಾಗುವುದು, ತಲೆತಿರುಗುವುದು, ಬಲಹೀನತೆ ಅಥವಾ ಪ್ರಜ್ಞೆ ತಪ್ಪುವಿಕೆಗೆ ಕಾರಣವಾಗಬಹುದು.

ಕೆಲವೊಮ್ಮೆ ಕುಳಿತಿದ್ದ ರೋಗಿಯು ಎದ್ದುನಿಂತಾಗಲೂ ಅಪಧಮನಿಯ ಒತ್ತಡ ಗಮನಾರ್ಹವಾಗಿ ಇಳಿಯುತ್ತದೆ. ಇದನ್ನು ನೇರಭಂಗಿಯ ತೀರಾ ಕಡಿಮೆ ರಕ್ತದೊತ್ತಡವೆನ್ನುತ್ತಾರೆ; ದೇಹದ ರಕ್ತನಾಳಗಳಿಂದ ರಕ್ತದ ಪ್ರಮಾಣ ಹೃದಯಕ್ಕೆ ವಾಪಸಾಗುವುದನ್ನು [[ಗುರುತ್ವ|ಗುರುತ್ವವು]] ಕಡಿಮೆಮಾಡುತ್ತದೆ, ಇದರಿಂದಾಗಿ ಆಘಾತ ಪ್ರಮಾಣ ಮತ್ತು ಹೃದಯದ ಹುಟ್ಟುವಳಿ ಕೂಡ ಕಡಿಮೆಯಾಗುತ್ತದೆ.

ಜನರು ಆರೋಗ್ಯವಾಗಿದ್ದಾಗ, ಅವರ ಹೃದಯದ ಕೆಳಗಿರುವ ರಕ್ತನಾಳಗಳು ಸಂಕುಚಿತಗೊಳ್ಳುತ್ತವೆ ಮತ್ತು ಗುರುತ್ವದ ಪರಿಣಾಮವನ್ನು ಸರಿದೂಗಿಸುವುದಕ್ಕಾಗಿ ಮತ್ತು ಕನಿಷ್ಠಗೊಳಿಸಲು ಹೃದಯದ ಗತಿ ಏರುತ್ತದೆ. ಈ ಪಕ್ರಿಯೆಯನ್ನು ಸ್ವ-ನಿಯಂತ್ರಿತ ನರಮಂಡಲವು ಯಾದೃಚ್ಛಿಕವಾಗಿ ಕೈಗೊಳ್ಳುತ್ತದೆ. ಸಂಪೂರ್ಣವಾಗಿ ಹೊಂದಿಕೊಳ್ಳಲು ಈ ವ್ಯವಸ್ಥೆಗೆ ಕೆಲವು ಕ್ಷಣಗಳ ಅಗತ್ಯವಿರುತ್ತದೆ ಮತ್ತು ಸರಿದೂಗಿಸುವುದು ತೀರಾ ನಿಧಾನವಾದಾಗ, ವ್ಯಕ್ತಿಯ ಮೆದುಳಿಗೆ ಹರಿಯುವ ರಕ್ತದ ಪ್ರಮಾಣ ಕುಂಠಿತಗೊಳ್ಳುತ್ತದೆ, ಅಲ್ಲದೆ ತಲೆತಿರುಗುವಿಕೆ ಮತ್ತು ಜ್ಞಾನ ತಪ್ಪುವ ಸಾಧ್ಯತೆಗಳಿವೆ. G-ಲೋಡಿಂಗ್ ‌ನಲ್ಲಿ ಏರಿಕೆಯಾಗುತ್ತದೆ, ನಿತ್ಯ ಏರೊಬ್ಯಾಟಿಕ್‌ನಲ್ಲಿ ತೊಡಗಿರುವವರಿಗೆ ಅಥವಾ ಯುದ್ಧ ಪೈಲಟ್‍ಗಳಿಗೆ ಇದರ ಅನುಭವವಾಗುತ್ತದೆ, 'ಸೆಳೆಯುವ Gs', ಅಂತಹವರಿಗೆ ಇದರ ಪರಿಣಾಮ ಹೆಚ್ಚು. ಗುರುತ್ವಕ್ಕೆ ಲಂಬವಾಗಿ ದೇಹವನ್ನು ಹೊಂದಿಸಿಕೊಳ್ಳುವುದರಿಂದ ಈ ಸಮಸ್ಯೆಯನ್ನು ಬಹುಮಟ್ಟಿಗೆ ಹೋಗಲಾಡಿಸಬಹುದು.

ಕಡಿಮೆ ಅಪಧಮನಿಯ ಒತ್ತಡದಿಂದಾಗುವ ಇತರ ಪರಿಣಾಮಗಳು:

* ರಕ್ತವಿಷ
* [[ರಕ್ತಸ್ರಾವ]] - ರಕ್ತ ನಷ್ಟ
* ಜೀವಾಣುವಿಷಗಳು ರಕ್ತದೊತ್ತಡದ ಔಷಧಿಗಳಲ್ಲಿರುವ ನಂಜಿನ ಪ್ರಮಾಣಗಳು
* ಹಾರ್ಮೋನಿನ ಅಪಸಾಮಾನ್ಯತೆ, ಅಡಿಸನ್ಸ್‌ ರೋಗದಂತಹವು

ಆಘಾತ ಒಂದು ಜಟಿಲ ಪರಿಸ್ಥಿತಿಯಾಗಿದ್ದು, ಸೇಚನೆ ಇಳಿದು ಗಂಭೀರವಾಗುತ್ತದೆ. ರಕ್ತದ ಪ್ರಮಾಣ ನಷ್ಟವಾದಲ್ಲಿ ಸಾಮಾನ್ಯವಾಗಿ ಅನುಸರಿಸುವ ವಿಧಾನಗಳೆಂದರೆ, ಹೃದಯಕ್ಕೆ ವಾಪಸಾಗುವ ರಕ್ತದ ಪ್ರಮಾಣವನ್ನು ಬೇಕಾದಷ್ಟು ತಗ್ಗಿಸಿ ಮತ್ತು/ ಅಥವಾ ಹೃದಯ ರೇಚಿಸುವುದನ್ನು ನಿಧಾನಗೊಳಿಸಿ ರಕ್ತನಾಳಗಳೊಳಗೆ ರಕ್ತವನ್ನು ಹರಿಸುವುದು. ಕಡಿಮೆ ಅಪಧಮನಿಯ ಒತ್ತಡ, ಪ್ರಮುಖವಾಗಿ ಕಡಿಮೆ ನಾಡಿ ಒತ್ತಡವು ಆಘಾತದ ಸೂಚನೆಯಾಗಿದೆ. ಮಾತ್ರವಲ್ಲದೆ ಇದು ಸೇಚನೆಯನ್ನು ಪ್ರತಿಫಲಿಸುತ್ತದೆ ಮತ್ತು ಅದಕ್ಕೆ ಸೇರಿಕೊಳ್ಳುತ್ತದೆ.

ಒಂದು ತೋಳಿನಿಂದ ಇನ್ನೊಂದು ತೋಳಿನ ಒತ್ತಡದಲ್ಲಿ ಮಹತ್ವದ ವ್ಯತ್ಯಾಸವಿದ್ದರೆ, ಅದು ಅಪಧಮನಿ ಕಿರಿದಾಗುತ್ತಿರುವುದರ ಸೂಚನೆಯಾಗಿರಬಹುದು (ಉದಾಹರಣೆಗೆ, ಮಹಾಪಧಮನಿಯ ಅತಿ ಸಂಕೋಚನ, ಮಹಾಪಧಮನಿಯ ಛೇದನ, ತ್ರೊಂಬೊಸಿಸ್ ಅಥವಾ ಧಮನಿಬಂಧ) ಕಟ್ಟುವಿಕೆಯಿಂದಾಗಿ)

== ಇತರ ವಿಷಯಗಳು ==
ದೇಹದ ಪರಿಚಲನೆಯಲ್ಲಿನ ಅಪಧಮನಿಯ ಒತ್ತಡಕ್ಕೆ ಸಾಮಾನ್ಯವಾಗಿ ರಕ್ತದೊತ್ತಡವೆನ್ನುತ್ತಾರೆ. ಆದಾಗ್ಯೂ, ರಕ್ತಪರಿಚಲನಾ ವ್ಯವಸ್ಥೆ ಮತ್ತು ಶ್ವಾಸಕೋಶದ ರಕ್ತನಾಳಗಳ ಒತ್ತಡಗಳ ಮಾಪನವು ತೀವ್ರ ಶುಶ್ರೂಷೆ ವೈದ್ಯಶಾಸ್ತ್ರದ ವೇಳೆ ಪ್ರಮುಖ ಪಾತ್ರವನ್ನು ವಹಿಸುತ್ತದೆ, ಆದರೆ ಛೇದನ ಬೇಕಿರುವ ಕೇಂದ್ರ ಅಭಿಧಮನಿಯ ತೂರುನಳಿಕೆಯ ಅಗತ್ಯವಿದೆ.

=== ಅಭಿಧಮನಿಯ ಒತ್ತಡ ===
ರಕ್ತನಾಳದಲ್ಲಿ ಅಥವಾ ಹೃದಯದ ಹೃತ್ಕರ್ಣಗಳಲ್ಲಿ ಕಾಣಿಸಿಕೊಳ್ಳುವ ನಾಳೀಯ ಒತ್ತಡವನ್ನು ಅಭಿಧಮನಿಯ ಒತ್ತಡವೆನ್ನುತ್ತಾರೆ. ಅಥವಾ ಇದು ಅಪಧಮನಿಯ ಒತ್ತಡಕ್ಕಿಂತ ಬಹಳಷ್ಟು ಕಡಿಮೆ, ಬಲ ಮಧ್ಯದಲ್ಲಿ 5 mmHg ಮತ್ತು ಎಡ ಮಧ್ಯದಲ್ಲಿ 8 mmHg ಮೌಲ್ಯಗಳನ್ನು ಹೊಂದಿವೆ.

=== ಶ್ವಾಸಕೋಶದ ಒತ್ತಡ ===
ಇತರವುಗಳಿಗೆ ಹೋಲಿಸಿದರೆ ಸಾಮಾನ್ಯವಾಗಿ, ಶ್ವಾಸಕೋಶದ ಅಪಧಮನಿಯ ಒತ್ತಡ ಸುಮಾರು 15 mmHg ರಷ್ಟಿರುತ್ತದೆ.<ref>[http://www.nhlbi.nih.gov/health/dci/Diseases/pah/pah_what.html What Is Pulmonary Hypertension?] From Diseases and Conditions Index (DCI). National Heart, Lung, and Blood Institute. Last updated September 2008. Retrieved on 6 April, 2009.</ref>

ಶ್ವಾಸಕೋಶದ ಲೋಮನಾಳಗಳಲ್ಲಿ ರಕ್ತದೊತ್ತಡ ಹೆಚ್ಚಿದರೆ, ಶ್ವಾಸಕೋಶದ ಅಧಿಕ ರಕ್ತದೊತ್ತಡವುಂಟಾಗುತ್ತದೆ. ಅಂತರಾಲಿ ದ್ರವಶೋಥದ ಜೊತೆಗೆ, ಒಂದು ವೇಳೆ ಒತ್ತಡ 20 mmHg ಗಿಂತ ಮೇಲೆ ಏರಿದಲ್ಲಿ, ಮತ್ತು ಇನ್ನೂ ಸರಳವಾಗಿ ಹೇಳುವುದಿದ್ದರೆ ಶ್ವಾಸಕೋಶದ ದ್ರವಶೋಥ ಒತ್ತಡದ ವೇಳೆ 25 mmHgರಷ್ಟಿರುತ್ತದೆ.<ref>[http://books.google.com/books?id=IYFAsxAUA_MC&printsec=frontcover#PPR3,M1 Chapter 41, page 210 in: Cardiology secrets] By Olivia Vynn Adair Edition: 2, illustrated Published by Elsevier Health Sciences, 2001 ISBN 1560534206, 9781560534204</ref>

=== ಶಿಶುವಿನ ರಕ್ತದೊತ್ತಡ ===
[[ಗರ್ಭಧಾರಣೆ|ಗರ್ಭಾವಸ್ಥೆಯಲ್ಲಿ]], [[ಶಿಶು|ಶಿಶುವಿನ]] ಹೃದಯದಿಂದ ರಕ್ತದೊತ್ತಡವುಂಟಾಗಿ ಶಿಶುವಿನ ರಕ್ತಪರಿಚಲನೆಗೆ ನೆರವಾಗುತ್ತದೆ. ಇಲ್ಲಿ [[ತಾಯಿ|ತಾಯಿಯ]] ಹೃದಯದಿಂದಾಗಿ ರಕ್ತದೊತ್ತಡ ಉಂಟಾಗುವುದಿಲ್ಲ.

ಗರ್ಭಧಾರಣೆಯಾದ 20 ವಾರಗಳ ನಂತರ ಶಿಶುವಿನ ಮಹಾಪಧಮನಿಯಲ್ಲಿ ರಕ್ತದೊತ್ತಡ ಅಂದಾಜು 30 mmHg ರಷ್ಚಿರುತ್ತದೆ, ಮತ್ತು ಗರ್ಭಧಾರಣೆಯಾದ 40 ವಾರಗಳ ನಂತರ ಅದು 45 mmHgಗೆ ಏರುತ್ತದೆ.<ref name="Struijk">{{cite journal |author=Struijk PC, Mathews VJ, Loupas T, ''et al'' |title=Blood pressure estimation in the human fetal descending aorta |journal=Ultrasound Obstet Gynecol |volume=32 |issue=5 |pages=673–81 |year=2008 |month=October |pmid=18816497 |doi=10.1002/uog.6137 |url=}}</ref><br />ಪೂರ್ಣಾವಧಿ ಶಿಶುಗಳ ರಕ್ತದೊತ್ತಡದ ಸರಾಸರಿ:<br />ಸಂಕೋಚನದ 65–95 mm Hg<br />ವ್ಯಾಕೋಚನದ 30–60 mm Hg<ref name="SharonSmithMurray2">Sharon, S. M. & Emily, S. M.(2006). ''Fundations of Maternal-Newborn Nursing.'' (4th ed p.476). Philadelphia:Elsevier.</ref>
== ಅಡಿಟಿಪ್ಪಣಿಗಳು ==

{{refs|2}}

== ಹೊರಗಿನ ಕೊಂಡಿಗಳು ==

* [http://www.myfamilywellness.org/MainMenuCategories/FamilyHealthCenter/Heart/Hypertension.aspx ಅತಿ ರಕ್ತದೊತ್ತಡ] {{Webarchive|url=https://web.archive.org/web/20090812070822/http://www.myfamilywellness.org/MainMenuCategories/FamilyHealthCenter/Heart/Hypertension.aspx |date=2009-08-12 }}, [http://www.pamedsoc.org ಪೆನ್ಸಿಲ್ವೇನಿಯಾ ಮೆಡಿಕಲ್ ಸೊಸೈಟಿ] ಯಲ್ಲಿ [http://www.goodmedicine.org ದಿ ಇನ್ಸ್‌ಟಿಟ್ಯೂಟ್ ಫಾರ್ ಗುಡ್ ಮೆಡಿಸಿನ್ ] {{Webarchive|url=https://web.archive.org/web/20090801102113/http://www.goodmedicine.org/ |date=2009-08-01 }} ಅಧ್ಯಯನ ಅವಕಾಶ
* [http://www.bpassoc.org.uk ರಕ್ತದೊತ್ತಡ ಸಂಸ್ಥೆ (UK)]
* [http://www.davidgregory.org/blood_pressure_monitors.htm ಬ್ರಿಟಿಷ್ ಅಧಿಕ ರಕ್ತದೊತ್ತಡ ಸೊಸೈಟಿ: ರಕ್ತದೊತ್ತಡ ಬಗ್ಗೆ ಎಚ್ಚರಿಸುವವರ ಅಧಿಕೃತ ಪಟ್ಟಿ]
* [http://www.blood-pressure-monitoring.org ರಕ್ತದೊತ್ತಡದ ಮೇಲ್ವಿಚಾರಣೆ]
* [http://www.clevelandclinicmeded.com/medicalpubs/diseasemanagement/nephrology/arterial-hypertension/ ಶ್ವಾಸಕೋಶದ ಅಧಿಕ ರಕ್ತದೊತ್ತಡ] ಕ್ಲೆವ್‌ಲೆಂಡ್ ಕ್ಲಿನಿಕ್‌.

[[ವರ್ಗ:ರಕ್ತ]]
[[ವರ್ಗ:ಅಂಗರಚನಾಶಾಸ್ತ್ರ]]
[[ವರ್ಗ:ಶರೀರ ವಿಜ್ಞಾನ]]